web counter
LEXO PA REKLAMA!

SHKARKO APP

App Store
Google Play

Viti i ri shkollor/ Berisha: Qindra klasa të para nuk hapin dyert, në 10 vite mbi 33% e shqiptarëve braktisën vendin

11 Shtator 2023, 13:32, Aktualitet CNA

Viti i ri shkollor/ Berisha: Qindra klasa të para nuk hapin dyert, në

Ish-kryeministri Sali Berisha u ka uruar të gjithë nxënësve, prindërve dhe mësuesve të tyre, dhe në veçanti voglushëve të klasës së parë, një vit shkollor plot suksese dhe mbarësi.

Ai tha se në mbarë vendin qindra klasa të para dhe shkolla nuk hapin dyert e tyre për mungesë nxënësish.

Berisha thotë se këto 10 vite mbi 33% e shqiptarëve braktisën vendin e tyre.

Postimi i plotë:

Sot dita e parë e shkollës!

Të dashur miq,  sot qindra mijëra fëmijë të ciklit shkollor elementar dhe parauniversitar nisën vitin e ri shkollor. Me këtë rast le t'ju urojmë nga zemra, të gjithë nxënësve, prindërve dhe mësuesve të tyre, dhe në veçanti voglushëve të klasës së parë një vit shkollor plot suksese dhe mbarësi.

Por sot në mbarë vendin qindra klasa të para dhe shkolla nuk hapin për mungesë nxënësish dyert e tyre. Këto 10 vite mbi 33% e shqiptarëve braktisën vendin e tyre. Sot mësuesit shqiptarë janë më të keqpaguarit në rajon! Trupa pedagogjike është e infiltruar masivisht nga militant partie dhe patronazhistë që po shkatërrojnë arsimin tonë.

Qytetarët janë të ftuar të ngrihen për të ardhmen e fëmijëve të tyre kunder këtij regjimi që qendron mbi vjedhjen krimin dhe drogën./ CNA





Lajmet e fundit nga