web counter
LEXO PA REKLAMA!

SHKARKO APP

App Store
Google Play

Shitën drogë në një festival/ Arrestohen 4 persona në Dhërmi, u gjenden kokainë, ekstazi e mijëra euro

11 Shtator 2023, 12:48, Aktualitet CNA

Shitën drogë në një festival/ Arrestohen 4 persona në

Katër persona kanë rënë në prangat e policisë pasi akuzohen se kanë shitur drogë gjatë një festivali që u zhvillua në Dhërmi.

Falë operacionit policor antidrogë të koduar “ION”, u vunë në pranga A. B., 33 vjeç, banues në Gjakovë, A. B., 31 vjeç, banues në Gjakovë, A. P., 39 vjeç, banues në Prishtinë dhe D. N., 43 vjeç, banues në Gjermani.

Këta shtetas u kapën në flagrancë teksa në formën e grupit, siguronin droga të ndryshme, i ndanin ato në doza të cilat i shisnin te turistët dhe pushuesit, të cilët po ndiqnin një festival të organizuar në Dhërmi.

Me cilësinë e provës materiale, Policia sekuestroi doza dhe tableta të lëndëve narkotike kokainë, MDMA dhe ekstazi, 151 qese farmaceutike dhe peshore elektronike që shërbenin për ndarjen e lëndëve narkotike, në doza, 4250 euro dhe 101 900 lekë të përfituara nga kjo veprimtari kriminale, një automjet, 4 celularë dhe një kartëmonedhë 20 euro false.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Vlorë, për veprime të mëtejshme./ CNA





Lajmet e fundit nga