web counter
LEXO PA REKLAMA!

SHKARKO APP

App Store
Google Play

E fundit!

x

Rinovoi dokumentacionin, arrestohet i shumëkërkuari shqiptar në Spanjë, akuza për rrëmbim, plagosje dhe drogë

26 Gusht 2023, 14:00, Kronika CNA

Rinovoi dokumentacionin, arrestohet i shumëkërkuari shqiptar në

Autoritetet spanjolle kanë arrestuar një 33-vjeçar shqiptar (identiteti i të cilit ende nuk dihet) për trafik droge, plagosje, rrëmbim dhe grabitje.

I riu shqiptar u arrestua në në zyrën e Imigracionit në Torrevieja, pasi kishte shkuar për të rinovuar dokumentacionin. Ai ka dy urdhra ekstradimi, një nga Holanda dhe tjetri nga Gjermania dhe rrezikon 15 vite burg.

Sipas fletëarrestit ndërkombëtar holandez, 33-vjeçari u kap në qytetin e Amsterdamit në vitin 2018 me gati tre kilogramë kokainë, një substancë e destinuar për shitje dhe trafikim. Por ai mundi të arratisej. 

Nga ana tjetër, i arrestuari akuzohet se ka tentuar të rrëmbejë një burrë, i cili dyshohet se i kishte borxh 3500 euro për një transaksion pasurie të paluajtshme. 

Sipas urdhrit gjerman për ekstradim, në qytetin e Frankfurtit shqiptari i drejtoi një armë në kokë viktimës dhe po e detyronte atë të hipte në një automjet për të kërkuar pagesën e një borxhi si kusht për lirimin.

I arrestuari, me kombësi shqiptare është vënë në dispozicion të Gjykatës Hetimore të Torrevieja-s me urdhër të Gjykatës Qendrore Hetimore të Madridit dhe po përballet me krimet e trafikut të drogës, tentativës për rrëmbim, zhvatje dhe plagosje. 

 

 





Lajmet e fundit nga