E fundit!

15:32 Politikë

Nesër mbahen zgjedhjet në Këshillin Kombëtar të PD-së/ Ja çfarë pritet nga gara

Këtë të mërkurë, Partia Demokratike do të mbledhë Këshilli...

"M'u desh të zgjidhja mes prindërve dhe djalit"/ Rrëfimi i trishtë i banorit në Marok, i gjeti familjarët nën rrënoja

11 Shtator 2023, 16:49, Aktualitet CNA

"M'u desh të zgjidhja mes prindërve dhe djalit"/

Sitata aq sa të trishta edhe prekëse janë bërë publike nga Maroku.

E tillë është dhe historia e rrëfyer pë BBC nga Tayeb ait Ighenbaz i cili u detyrua të zgjidhte nëse do të shpëtonte djalin e tij 11-vjeçar apo prindërit e tij kur ata u bllokuan nën rrënoja pas tërmetit të Marokut.

Tayeb ishte me gruan, dy fëmijët dhe prindërit e tij të premten mbrëma në shtëpinë e tyre të vogël prej guri kur ajo u trondit nga tërmeti më i madh i vendit në 60 vjet.

Ai tregon momentet kur tërmeti ra.

"Gjithçka ndodhi kaq shpejt. Kur ndodhi tërmeti, ne të gjithë vrapuam te dera. Babai im ishte duke fjetur dhe unë i bërtita mamasë sime të vinte, por ajo qëndroi prapa për ta pritur atë," kujton ai.

Mundi të diltë jashtë vetëm me gruan dhe vajzën e tij.

Ndërsa kthehej në ndërtesën ku tashmë shumë gërmadha kishin rënë, Tayeb gjeti djalin dhe prindërit e tij të bllokuar nën rrënoja. Ai mund të shihte dorën e djalit të tij. Por e dinte se në anën tjetër ishin dhe prindërit e tij të cilët duhej ti shpëtonte.

Tayeb duhej të vepronte shpejt dhe u drejtua në drejtim të djalit të tij Adamit, duke gërmuar në mënyrë të dëshpëruar nëpër rrënoja për ta nxjerrë jashtë.

Pasi shpëtoi djalin iu drejtua prindërve të cilët ishin bllokuar nën një pllakë të madhe guri, por siç tregon dhe vetë, ishte tepër vonë.

“Më duhej të zgjidhja mes prindërve dhe djalit”, thotë ai me lot në sy.

"Unë nuk mund t'i ndihmoja prindërit e mi sepse muri ra mbi gjysmën e trupave të tyre. Është shumë e trishtueshme. Pashë prindërit e mi duke vdekur."

Familja tani jeton me të afërmit në tenda të improvizuara pranë shtëpisë së tyre të mëparshme. Tayeb I cili punonte si bari thotë se të gjitha paratë e tij ishin në shtëpi dhe shumica e dhive të tij janë vrarë.

"Është si të lindësh sërish në një jetë të re. Pa prindër, pa shtëpi, pa ushqim, pa rroba," thotë ai./ CNA