web counter
LEXO PA REKLAMA!

SHKARKO APP

App Store
Google Play

Tërmet i fuqishëm në Marok/ 296 viktima dhe 150 persona të plagosur, vijojnë operacionet e shpëtimit

9 Shtator 2023, 08:04, Kosova & Bota CNA

Tërmet i fuqishëm në Marok/ 296 viktima dhe 150 persona të

Një tërmet i fuqishëm, 6.8 ballë ka goditur Marokun , duke shkaktuar 296 viktima dhe 150 persona të plagosur.

Sipas mediave të huaja, tërmeti ka goditur Marokun pas orës 23:00, në një thellësi relativisht të cekët prej 18.5 kilometrash (11.4 milje), sipas Shërbimit Gjeologjik të SHBA-së.

Epiqendra ishte në malet e Atlasit të Lartë të vendosur rreth 72 kilometra (44.7 milje) në jugperëndim të Marrakech, një qytet me rreth 840,000 banorë dhe një destinacion turistik.

Shumë ndërtesa u shembën pas tërmetit të së premtes mbrëma në jugperëndim të qytetit Marrakech në Marok, treguan pamjet e transmetuara nga stacioni shtetëror televiziv Al-Aoula.

Mijëra njerëz u larguan nga shtëpitë dhe ndërtesat e tyre të banimit pasi Instituti Kombëtar i Gjeofizikës i vendit paralajmëroi për pasgoditje.

Ministria e Brendshme e Marokut u bëri thirrje njerëzve që të ruajnë qetësinë dhe të shmangin panikun.

Në një fjalim të transmetuar në median shtetërore, Rashid Al-Khalfi, sekretari i përgjithshëm i Punëve të Brendshme në ministri, tha se qeveria ka aktivizuar tashmë të gjitha burimet në dispozicion për t'u marrë me tragjedinë./ CNA





Lajmet e fundit nga