E vërteta e pseudoklerikut të emisioneve show e satirike Nikolla Bllazhde Xhufka

11 Shtator 2023, 17:48, Aktualitet CNA

E vërteta e pseudoklerikut të emisioneve show e satirike Nikolla

Aleksandër Dimroçi, katekist përmes një videoje të publikuar në Radio 'Ngjallja' u ka bërë thirrje njerëzve dhe mediave të mos bien pre e informacioneve të publikuara nga Nikolla Bllazhde Xhufka, për të cilin thotë se është një pseudoklerik.

Dimroçi thotë se Nikolla Bllazhde Xhufka nuk është klerik dhe nuk ka qenë asnjëherë i tillë.

“Kohët e fundit është shfaqur një pseudoklerik me emrin Nikolla Bllazhde Xhufka. I veshur me rrobat e klerikut i vetëshpallur si i tillë i cili lëshon mesazhe fyese e shpifëse kundër Kishës Ortodokse Autoqefale të Shqipërisë, klerikëve dhe drejtuesve të saj. Ai nuk është klerik dhe nuk ka qenë në asnjë moment i tillë. Ky pseudoepiskot erdhi në Elbasan me simbole të sajuara dhe të dyshimta duke u prezantuar si romun por duke folur serbisht.”

E vërteta e pseudoklerikut të emisioneve show e satirike Nikolla

Gjithashtu Aleksandër Dimroçi bën me dije se Xhufka nuk ka kryer arsim për fenë dhe se deklaratat e tij në lidhe me fenë janë të gabuara dhe dizinformuese.

“Ai nuk ka asnjë arsim formues teologjik. Deklaratat e tij në lidhe me fenë janë të gabuara dhe dizinformuese. Ai nuk varet nga asnjë autoritet kishtar, Nikolla përfaqëson vetëm veten e tij. Ka improvizuar në bodrumin e tij atë që ai e quan kishë, duke mashtruar haptas në media se bëhet fjalë gjoja për një kishë palo kristjane. Mashtron e gënjen në media se ka kryer shkollë fetare.”

E vërteta e pseudoklerikut të emisioneve show e satirike Nikolla

Deklaratat e tij thotë se shkaktojnë urrejtje fetare.

“I vetmi interes i tij është tërheqja e opinionit publik pavarësisht dëmit që i shkakton figurës së klerikut dhe shërbimit ortodoks. Deklaratat e tij të papërgjegjshme nën maskën e petkut fetar që ka veshur shkaktojnë pakënaqësi duke shkaktuar urrejtje ndërfetare.”

E vërteta e pseudoklerikut të emisioneve show e satirike Nikolla

Për Aleksandër Dimroçi, gabimet e Nikolla Bllazhde Xhufkës nuk kanë fund dhe njerëzit nuk duhet të bien pre e tij pasi mbështetet financiarisht nga qarqe nacionaliste për të sjellë përçarje fetare dhe kombëtare në Shqipëri dhe rajon duke kryer një veprimtari antikishtare antifetare.

“Nikolla Bllazhde Xhufka me injorancën e tij fetare çdo ditë bie në gabime të tilla, si ai kur veshi një tjetër person me rrobat e klrikut. Ky i fundit është viktima e radhës e tij. Prandaj e shohim me shqetësim marrjen e informacioneve prej tij. Kisha Ortodokse Autoqefale e Shqipërisë është i vetmi autoritet që garanton ruajtjen e promovimin e parimeve dogmatike e kishtare. Ju bëjmë thirrje çdo njeriu vullnetmirë të mos bie pre e këtij pseudokleriku, i cili mbështetet financiarisht nga qarqe nacionaliste, për të sjellë përçarje fetare dhe kombëtare në Shqipëri dhe rajon, duke kryer një veprimtari antikishtare antifetare.”/ CNA