web counter
LEXO PA REKLAMA!

SHKARKO APP

App Store
Google Play

E fundit!

x

“Lutet greqisht në tokën shqiptare”/ Del në dritë një tjetër mashtrim i Nikolla Xhufkës

20 Nëntor 2022, 12:51, Aktualitet CNA
“Lutet greqisht në tokën shqiptare”/ Del në
Foto ilustruese

Nikolla Bllazhde Xhufka, i cilësuar si një mashtrues, u shfaq në një ekran duke deklaruar se të krishterët duhet të marrin shembull nga muslimanët, pasi ata i falen Zotit 5 herë në ditë.

Pas kësaj deklarate, Mitropolia e Shenjtë e Elbasanit, Shpatit dhe Librazhdit, reagoi duke zbuluar mashtrimin e Xhufkës, duke shkruar se nuk është klerik ortodoks dhe nuk njihet si i tillë nga asnjë Kishë e krishterë në asnjë vend. Pretendon se është dorëzuar nga një person serbo-rumun, i cili nuk ka asnjë lidhje me Kishen Ortodokse dhe nuk është klerik i saj. Kemi të bëjmë thjesht me një mashtrim të opinionit publik.

“KUSH ËSHTË NIKOLLA (BLLAZHDE) XHUFKA? Një sqarim i nevojshëm për opinionin publik.

«Ruhuni nga profetët e rremë, që vijnë të veshur si dele, por që përbrenda janë ujq grabitqarë.»

Mateu 7:15

1. Nikolla (Bllazhde) Xhufka nuk është klerik ortodoks dhe nuk njihet si i tillë nga asnjë Kishë e krishterë në asnjë vend. Pretendon se është dorëzuar nga një person serbo-rumun, i cili nuk ka asnjë lidhje me Kishen Ortodokse dhe nuk është klerik i saj. Kemi të bëjmë thjesht me një mashtrim të opinionit publik.

2. Nikolla përfaqëson vetëm veten e tij, nuk ka as kishë as komunitet besimtarësh, pavarësisht deklaratave pompoze që bën herë pas here në media.

3. Ka improvizuar në bodrumin e shtëpisë së tij, atë që e quan “kishë”, duke mashtruar haptazi edhe në media se bëhet fjalë për një “kishë paleokristiane - katakomb”.

4. Mashtron dhe gënjen haptazi dhe në media se ka kryer studime fetare ndërkohë që ska bërë anjë të tillë. Sa për saktësi, ka mbaruar shkollën e mesme profesionale për teknologji - ushqimore në Elbasan, madje përsëritës i vitit të fundit.

5. Bën deklarata “patriotike”, ndërkohë përbuz dhe tallet me klerikët ortodoksë shqiptarë, gjithashtu vë në lojë dhe ironizon seriozitetin e liderëve fetarë dhe të klerikëve të besimeve të tjera.

6. Mungesa e formimit fetar bën që deklaratat e tij mediatike në lidhje me besimin ortodoks të jenë të gabuara dhe disinformuese. Ky person nuk varet nga asnjë autoritet kishtar dhe nuk mban përgjegjësi për veprimet e tij.

7. I vetmi interes i tij është shfaqja mediatike dhe tërheqja e opinionit publik, pavarësisht dëmit që i shkakton figurës së klerikut dhe besimit ortodoks.

8. Deklaratat e tij të papërgjegjëshme në media, nën maskën e petkut fetar, shkaktojnë pakënaqësi, duke nxitur rivalitet mes besimeve fetare, mungesë respekti reciprok dhe për pasojë urrejtje ndërfetare.

9. E shohim me shqetësim mediatizimin e tij. Marrja e informacionit paraprak nga mediat për personin në fjalë, i cili nuk i përket asnjë komuniteti fetar, nuk ka asnjë autorizim, nuk ka formim përkatës dhe nuk përfaqëson askënd përveç vetes së tij, do e bënte të qartë përse nuk meriton të merret seriozisht.

10. Kisha Orthodhokse Autoqefale e Shqipërisë është i vetmi autoritet shpirtëror dhe zyrtar që garanton ruajtjen dhe promovimin e parimeve dogmatike dhe kishtare, e cila udhëhiqet nga organet e saj legjizime në përputhje me statutin dhe kanonet kishtare. Çdo përpjekje, si në të shkuaren ashtu edhe tani, për të nënvlerësuar rolin dhe kontributin e Kishës Orthodhokse në Shqipëri do të dështojë me hirin dhe ndihmën e Zotit. Mitropolia e Shenjtë e Elbasanit, Shpatit dhe Librazhdit”, deklaronte Mitropolia Shenjtë e Elbasanit, Shpatit dhe Librazhdit.

Së fundi ka dalë në pah një tjetër mashtrim i Nikolla (Bllazhde) Xhufka. Teksa në ekranin e Top Channel rrëfeu se nuk kishte lidhje me Greqinë, ka dalë  një video ku ai shfaqet duke u lutur në gjuhën greke.

“Kjo video është realizuar në Lin, Pogradec. Pra, ky që i shërben nacionalizmit ndërkohë lutet greqisht në tokën shqiptare.Mashtrues ordiner!!!!”, shkruan Radio Ringjallja ku është publikuar edhe videoja.

Ndërsa në një intervistë, ka treguar se është larguar në Greqi ku sipas tij ka mësuar më shumë për fenë.

“Që i vogël hapat e mi të parë i kam marrë tek kisha Shën Maria e lagjes Kala dhe më pas pranë Mitropolisë së Shenjtë të Elbasanit Shpatit dhe Librazhdit ku mësova mjaft nga thespoti Andoni, më tej u largova për në shtetin fqinj për në Greqi, aty ku u formova pak më tepër. Por për arsyet e mia personale jam këtu në Elbasan, dhe unë jam në një mitropoli në shtetin fqinj në Greqi, nga atje varem dhe me mirtopolinë këtu kemi vetëm lidhje shpirtërore pra vëllazërore”, ka thënë ai gjatë një interviste.





Lajmet e fundit nga