web counter
LEXO PA REKLAMA!

SHKARKO APP

App Store
Google Play

E fundit!

x

Këlliçi ‘i përvishet’ Carlo Bolinos/ Nuk na e shet dot sapunin për djathë me lajme të rreme

19 Nëntor 2022, 19:12, Aktualitet CNA
Këlliçi ‘i përvishet’ Carlo Bolinos/ Nuk na e shet
Kandidati për primaret e Partisë Demokratike për Tiranën, Belind Këlliçi

Kandidati për primaret e Partisë Demokratike për Tiranën, Belind Këlliçi, ka reaguar me tone të ashpra ndaj medias së Carlo Bolinos, për shkrimin që thonte se mes kandidatëve ka plasur ironia.

Me anë të një statusi në rrjetet sociale, Këlliçi deklaron se Bolino ka alergji nga e vërteta, por thekson se nuk e shet dot sapunin për djathë me lajme të rreme.

Gjithashtu, ai sfidon kryebashkiakun e Tiranës Erion Veliaj, që të dalë të japë një konferencë për shtyp te Sahati i Tiranës dhe të flasë për kullën pas tij.

“Prezantimi i kandidatëve për primaret bashkiake vijoi me njësitë 5 dhe 12.

Gjej rastin t'i them Signore Karlo Bolinos, se lajmet e rreme që shpërndan lart e poshtë se në PD paska plasur mes kandidatëve, nuk i japin mandat të tretë zdromsit tënd. Keni alergji nga e vërteta. Sapunin për djathë nuk na e shet dot.

Unë jam në këtë garë sepse e neveris modelin Veliaj dhe shtirjen e tij. Tirana do punë, jo propagandë.

E sfidoj Erion Veliajn të nxjerrë kullat në fotografitë e tij. Dil e mburru me to.

Dil tek Sahati i Tiranës dhe jep një konferencë për shtyp me kullën nga pas. E bën dot?”, shkruan deputeti./ B.A. – CNA.al





Lajmet e fundit nga