Zoto pagoi mijëra Euro Arben Dervishajn dhe Alqi Bllakon/ SPAK nxjerr udhëtimet për të parë ndeshjet e Juventusit në Champions

19 Nëntor 2022, 15:17, Aktualitet CNA

Zoto pagoi mijëra Euro Arben Dervishajn dhe Alqi Bllakon/ SPAK nxjerr

SPAK ka faktuar se Klodian Zoto, 2250 Euro, biznesmenin Arben Dervishaj, në kohën që ishte në detyrë si mbikëqyrësi i punimeve tek inceneratori i Fierit.

Dërvishajt i është paguar nga Zoto dhe një udhëtim me vajzën e tij në Izrael në vlenë 1920 dollarë.

Në dosjen hetimore të siguruara nga CNA.al thuhet se nga kqyrja në sistemin TIMS, rezulton se shtetasi Arben Dervishaj ka udhëtuar me avion me datë 10/06/2017 nga Rinasi, Tiranë në drejtim të Stambollit, Turqisë dhe me datë 11/06/2017 ka udhëtuar nga Stambolli, Turqi në drejtim të qytetit të Tel Aviv, Izrael, se bashku me vajzën e tij, Rea Dervishaj.

Zoto pagoi mijëra Euro Arben Dervishajn dhe Alqi Bllakon/ SPAK nxjerr

“Me datë 14/06/2017 është kthyer në Shqipëri. Pagesa e biletës së avionit për këtë udhëtim është paguar nga shtetasi Klodian Zoto. Po ashtu rezulton se shtetasi Klodian Zoto ka paguar edhe shumën prej 1920 $ për qëndrimin e shtetasit Arben Dervishaj dhe vajzës së tij në Hotel "Croëne Plaza Tel Aviv në qytetin e Tel Aviv, Izrael, kjo e dokumentuar nga të dhënat e statement bankar të llogarisë së shtetasit Klodian Zoto, pranë bankës Intesa San Paolo, me nr. 44484435101”, saktëson Prokuroria.

Po më herët në vitin 2017, sipas provave që SPAK ka siguruar nga sistemin TIMS, rezulton se shtetasi Arben Dervishaj ka udhëtuar me avion me datë 11/04/2017 nga Aeroporti Rinas, Tiranë, në drejtim të qytetit të Torinos, Itali dhe pastaj me date 12/04/2017 është kthyer nga qyteti i Romës në drejtim të Tiranës, Shqipëri, me qëllim për të ndjekur ndeshjen e futbollit që do të zhvillohej ndërmjet ekipit të Juventus dhe ekipit të Barcelonës.

Sipas SPAK,bileta për të ndjekur ndeshjen në stadium për shtetasin Arben Dervishaj, në vlerën prej 2250 Euro, është paguar nga shtetasi Klodian Zoto

Ndërsa në vitin 2019, ka dalë edhe Alqi Bllako, siç shkruan Prokuroria në dosje.

Zoto pagoi mijëra Euro Arben Dervishajn dhe Alqi Bllakon/ SPAK nxjerr

“Nga këqyrja në sistemin TIMS rezulton se me datë 16.04.2019 shtetasi Alqi Bllako ka udhëtuar së bashku me shtetasit Klodian Zoto dhe Arben Dervishaj nga Aeroporti i Rinasit Tiranë me linjën ajrore "Blue Panorama" për në destinacionin, qytetin e Torinos, Itali. Ndërsa të nesërmen, po të tre këto shtetas janë kthyer së bashku për në Shqipëri me linjën ajrore "Alitalia", nga qyteti i Romës, Itali. Biletat e këtij fluturimi me destinacion qytetin e Torinos, Itali, në vlerën prej 115.5euro secili, janë prerë nga shtetasi Klodian Zoto tek agjencia turistike, operatori ekonomik "One Explorer", me administrator shtetasin Juventin Cere, kjo e dokumentuar edhe nga procesverbali i këqyrjes datë 05.04.2022 pranë operatorit ekonomik "Alballings", si dhe nga procesverbali i këqyrjes date 06.04.2022 pranë operatorit ekonomik "One Explorer"”, thuhet në dosje.

Nga aktet e administruara nga SPAK, rezulton se me datë 16.04.2019 në qytetin e Torinos, Itali është zhvilluar ndeshja e futbollit ndërmjet ekipit të Juventus dhe ekipit të Ajax, kjo e dokumentuar nga procesverbali i këqyrjes date 18.05.2022.

Sipas SPAK, rezulton se biletat për të ndjekur ndeshjen e futbollit në stadium, për shtetasin Alqi Bilako dhe shtetasin Arben Dervishaj, janë prerë nga shtetasi Klodian Zoto në vlerën prej 1680 Euro secili.

“Nga aktet e marrë nëpërmjet letërporosisë nga Autoritetet Italiane të Drejtësisë, konkretisht Prokuroria e Torinos, akte të ekzekutimit të përcjellë nga Ministria e Drejtësisë në Prokurorinë e Posaçme, ka rezultuar se shtetasit Alqi Bllako, Klodian Zoto dhe Arben Dervishaj kanë qëndruar tek Hotel Victoria, Torini, via Nino Costa nr.4., nga data 16.04.2019 deri me datë 17.04.2019, pagesat e qëndrimit të tyre tek Hotel Victoria, Torini, via Nino Costa nr.4., në vlerën prej 357euro secili, janë kryer nëpërmjet kartës të llojit Mastercard, me nr. 5240 9603 2116 9249”, citohet më tej në dosje./CNA.al