web counter
LEXO PA REKLAMA!

SHKARKO APP

App Store
Google Play

E fundit!

x

Çfarë do të ndodhë me tatimin mbi pagat nga 1 Janari i 2023?

18 Nëntor 2022, 21:29, Aktualitet CNA
Çfarë do të ndodhë me tatimin mbi pagat nga 1 Janari i
Foto ilustruese

Nga data 1 janar e vitit 2023, tatimi për pagat deri në 50 mijë lekë në muaj do të jetë 0.

Ky vendim është prezantuar në Paketën Fiskale të vitit 2023, nga Ministria e Financave, e cila synon të rrisë miradministrimin e të ardhurave dhe të përafrojë legjislacionin tatimor me direktivat e Bashkimit Europian, ashtu si edhe të reflektojë disa korrektime në ligjet aktuale, sipas rekomandimeve të FMN dhe diskutimeve me grupet e interesit.

Më konkretisht, parashikohen ndërhyrje dhe rregullime në disa ligje që zbatohen aktualisht, por edhe propozime për projektligje të reja, si: Projektligji i ri “Për Tatimi mbi të Ardhurat”

Në kuadrin e këtij ligji, ndryshimet më të rëndësishme dhe efektet janë si më poshtë:

-Ruajtja e tatimit 0% deri në vitin 2029 për biznesin e vogël familjar që është burim punësimi në tregti, artizanat, prodhim, shërbime, prodhime dhe transport etj.

-Është e rëndësishme të theksojmë se projektligji i ri i Tatimit mbi të Ardhurat do të vazhdojë të mbajë politikën tonë të tatimit mbi fitimin 0 për të gjithë biznesin që qarkullon një shumë deri në 14 milionë lekë, me përjashtim të atyre që ushtrojnë aktivitete të profesioneve të lira.

-Rritja e kufirit të patatueshën të pagës nga 40 mijë lekë në 50 mijë lekë do reduktojë të ardhurat në buxhet për rreth 1 deri 1,2 miliard në vit, por ndërkohë do rrisë të ardhurat e punëmarrësve me paga deri në 50 mijë lekë në muaj, me të njëjtën shumë, çka do të thotë më shumë para në buxhetet e familjeve shqiptare dhe më shumë konsum në ekonominë tonë. Nga kjo masë përfitojnë mbi 70 mijë punëmarrës të cilët janë në grupin e pagave nga 40 në 50 mijë lekë në muaj.

– Futja në skemën e taksimit të të ardhurave personale të furnizuesve të shërbimeve si profesione të lira, si një masë që synon të kufizojë shmangien e tatimit nëpërmjet kalimit të individëve nga statusi i të punësuarit ku paguan tatim, në statusin e të vetëpunësuarit pa tatim. Kjo masë vlerësohet të kontribuojë në buxhetin e shtetit me mbi 2 miliard lekë në vit.

Më tej në prezantimin e Paketës Fiskale nga Ministria e Financave thuhet se: Ky projektligj ka shumë risi të tjera të cilat do të diskutohen gjatë këtij muaji./ CNA.al





Lajmet e fundit nga