web counter
LEXO PA REKLAMA!

SHKARKO APP

App Store
Google Play

E fundit!

x

Inceneratorët/ Hoxha zbulon ku qëndron problemi tek hetimet: Prokuroria, të veprojë më shpejt

18 Nëntor 2022, 17:22, Aktualitet CNA
Inceneratorët/ Hoxha zbulon ku qëndron problemi tek hetimet:
Gazetari investigativ, Artan Hoxha

Gazetari investigativ, Artan Hoxha ka folur për hetimet e inceneratorëve nga SPAK.

Në një intervistë në News 24, Hoxha ka deklaruar se Prokuroria duhet të veprojë më shpejt me hetimet, pasi është një çështje shumë e rëndësishme nga e cila të gjithë po presin të dinë se çfarë po ndodh dhe pritshmëria për këto hetime është shumë e madhe.

“Është një çështje shumë e rëndësishme. Deri tani ka konsumuar goxha kohë kam përshtypjen prokuroria duhet të vepronte më shpejt. Nuk është se kërkon ndonjë hetim që duhet të gjesh dokumentacion, apo të gjesh personat është një hetim që është i portkolluar. Duhet të marrësh specialistët e duhur. Deri në tani jemi në situatën ku pritshmëria ka qenë shumë e madhe. Është çështja që ka çuar një ish ministër në burg dhe një ish deputet, Bllakon dhe me lëvizjet e fundit edhe zv presidentin e FSHF”, tha Hoxha.

Sipas gazetarit, në hetimin e këtyre çështjeve ka një problem, pasi është e ndarë në tre etapa. Hoxha tha se formula është e njëjtë dhe nuk kupton pse SPAK duhet të veçonte çështjet, pasi e vetmja gjë që ndryshon është vendi ku do ngrihej inceneratori.

“Këtu ka një problem. Ndarja e kësaj çështje në tre etapa. Mos bashkimi i hetimeve për tre inceneratorët.

Formula është e njëjtë nuk e kuptoj pse SPAK duhet të veçonte çështje, thjesht ndryshon vendi ku do ngrihej inceneratori.

Ende nuk kemi një hetim për inceneratorin e Tiranës. Ne tani ndodhemi në fazën që kemi Klodian Zoton të shpallur në kërkim, i cili është njeriu që mund të zbërthejë se çfarë ka ndodhur”, tha Hoxha./ CNA.al





Lajmet e fundit nga