Organizatat për lirinë e medias zbarkojnë në Shqipëri/ "Dush të ftohtë" Ramës

18 Nëntor 2022, 15:29, Aktualitet CNA

Organizatat për lirinë e medias zbarkojnë në Shqipëri/

Partnerët e Platformës së Këshillit të Europës për Siguri të Gazetarëve kanë ardhur në Shqipëri me një mision, ku kanë vlerësuar lirinë e medias dhe sigurinë e gazetarëve.

Një delegacion me përfaqësues nga shtatë organizata partnere të Platformës së Këshillit të Europës për Siguri të Gazetarëve ka zhvilluar një takim, ku në deklaratat e tyre kanë theksuar se liria e medias në Shqipëri nuk ka bërë progres.

Më tej ata shprehen se liria e medias në vend është përkeqësuar dhe se nuk ka pasur progres në gazetarinë e pavarur.

"Liria e shtypit është vënë në rrezik nga klima për raportim të lirë e të pavarur, nga qasja e gazetarëve në dokumente zyrtare, mungesa e transparencës nga institucionet shtetërore, kasetat e parapërgatitura apo denigrimi i gazetarëve."- ishte një nga pohimet e përfaqësuesve, që ngritën alarmin për lirinë e medias në vend.

Sekretari European Federation of Journalists u shpreh se gjatë takimit me kryeministrin Edi Rama, kreu i qeverisë kishte pranuar se vendi nuk kishte bërë progres në këtë drejtim, por se kishte premtuar se ai do bëhej personi më konstruktiv në përmirësimin e lirisë së medias.

Gutierrez tha se në fakt takimi mes tyre u shoqërua me momente tensioni ku Rama i sulmoi edhe verbalisht.

“Kryeministri Edi Rama e pranoi vetë se vendi nuk ka bërë progres sa i takon lirisë së medias, por tha se qeveria nuk merr dot veprime. Ne mendojmë se është detyra e qeverisë që të përmirësoje situatën. Bëj thirrje që qeveria të njohë anën kritike të gazetarëve pasi janë në interes të publikut. Takimi ynë ishte i tensionuar, Rama po priste momentin më të mirë për të na sulmuar. 5 minuta pasi kishte nisur takimi, na sulmoi lidhur me një fakt, kur i përmendëm raportin që kishte të bënte me pluralizmin e medias, Shqipëria është në vendet më të këqija, aty na tha si mund të na krahasoni me Turqinë, nuk keni turp. Por deri në fund ai premtoi se do ishte personi më konstruktiv lidhur me lirinë e medias. Në e mbajtëm mend premtimin. Herën e fundit ne ishim këtu para tre vitesh ja ku jemi situata wshtë përkeqësuar, ky është një dështim i qeverisë. Nwsë Shqipëria do të futet ne BE zoti Rama e di shumë mirë që duhet të zbatojë standardet. Nëse nuk shikojmë progres ne do i themi Komisionit Europian që në Shqipëri nuk ka fare progres. Ne do ushtrojmë presion ndaj kësaj qeverie”, deklaroi ai.

Shqipëria renditet në vendin 103 nga 180 vende në Indeksin e Lirisë së Shtypit në Botë krahasuar me një vit më pare duke rëne kështu 20 pozicione.

“Flisni me zë shumë të lartë e që qeveria tju dëgjoje flisni në nivel ndërkombëtar që qeveria te shqetësohet pasi i degjon bota, duhet të jeni krenar”, tha Pavol Szalai, nga Reporters Without Borders./CNA.al