web counter
LEXO PA REKLAMA!

SHKARKO APP

App Store
Google Play

“Samir Mane nuk më ka kërkuar asnjë favor, pse ta quaj oligark”/ Berisha flet pa dorashka

18 Nëntor 2022, 11:06, Aktualitet CNA

“Samir Mane nuk më ka kërkuar asnjë favor, pse ta quaj

Kreu i PD-së, Sali Berisha , ka thënë se në kohën e udhëheqjen së tij, nuk ka favorizuar asnjë biznesmen.

Berisha ka folur me emra konkret duke përmendur Samir Manen.

Në studion e emisionit “Të Paekspozuarit”, Sali Berisha tha se nuk ka dhënë asnjë leje për kullë, ndërsa pjesa më e madhe e rrugëve të vendit janë ndërtuar nga kompani të huaja.

“Nuk kishte oligarkë më parë. Më thuaj një. Po të doni i marrim me radhë më të pasurit e këtij vendi. Nëse sot Samir Mane është një nga më të pasurit në këtë vend, në mënyrë absolute nuk ka kërkuar nga Sali Berisha asnjë favor.

Ka investuar te TEG. Sali Berisha vetëm ka marrë pjesë në inaugurim, asgjë tjetër. QTU-në e ka inauguruar pasi erdhëm ne në pushtet. Mund t’i jetë kërkuar një gjë, po nuk i është dhënë. Pse duhet ta quaj oligark unë atë?

Kur unë kam qenë në qeveri, të gjitha akset e mëdha janë ndërtuar nga kompani ndërkombëtare. Shkodër Hani i Hotit, Lushnje-Fier, Levan-Tepelenë nga italianët. Bechtel Enka pastaj. Nuk është firmosur asnjë kullë. Marrim Shefqet Kastratin, më i madhi i naftës, 30 licenca ka lëshuar qeveria shqiptare. 

Në një kohë kur ky dominonte tregun e naftës, Shqipëri zhdoganonte 720 mijë tonë, me 430 mijë automjete. Sot zhdoganon 400 e ca mijë tonë me 720 mijë automjete. Kontrabandë nafte pa qeveri nuk bëhet dot. Nafta vjen me peshkarexhë, vjen nga Libia dhe e shkarkon qeveria. Unë jam përpjekur që biznesi shqiptar të zhvillohet, por nuk kam firmosur asnjë kullë. Një që ishte parashikuar të ndërtohej diku nga fundi i bulevardit të ri nga një arab, doli Edi Rama dhe i kërkoi 20%-shin”, ka thënë Berisha./CNA.al





Lajmet e fundit nga