web counter
LEXO PA REKLAMA!

SHKARKO APP

App Store
Google Play

E fundit!

x

Baçi ‘gozhdon’ Arapin për inceneratorin e Fierit/ 'Po mashtron, po merr në mbrojtje Subashin dhe Ramën'

17 Nëntor 2022, 22:03, Aktualitet CNA
Baçi ‘gozhdon’ Arapin për inceneratorin e Fierit/
Luan Baçi

Afera e inceneratorëve ka ndezur debate të shumta sonte në emisionin Opinion, ku deputeti Luan Baçi ka “gozhduar” Farudin Arapin, i ngarkuar nga Gjykata Speciale për Korrupsionin dhe Krimin e Organizuar në administrimin e inceneratorit të Fierit.

Baçi i është drejtuar Arapit duke i thënë se me deklaratat e tij po merr në mbrojtje kryeministrin Edi Rama dhe Armando Subashin.

Baçi tha se Arapi po mashtron dhe se inxhinerët që punojnë aty thonë se teknologjia është shumë e vjetëruar dhe se nuk mund të bëjë asnjë proces.

“Po merrni në mbrojtje Ramën, Subashin dhe qeverinë. Po mashtroni. Inxhinerët që punojnë aty thonë se teknologjia është shumë e vjetëruar dhe nuk mund të bëjë asnjë proces.  E kanë lyer me bojë”, ka thënë Baçi.

Pjesë nga debati

Baçi: Në Vërri të Fierit kanë shpronësuar tokat e banorëve edhe forcërisht, por e kanë bërë për interes të Fierit dhe e ndërtuan forcërisht. Kanë bërë një shtyrje të afatot në shtator të 2021 edhe pastaj në prill të 2022.

Arapi: Mos gënjeni.

Baçi: Ju mbaj mend në firmat piramidale se i menaxhuar shkëlqyer.

Arapi: Mos bëj politik.

Baçi: Trego respekt, jeni gabim merrni në mbrojte qeverinë dhe mashtroni. Inceneratori nuk vihet në punë se inxhinierët thonë se mjetet janë të vjetruar.

Arapi: Ju bëj ftesë publike, hajde shikojeni teknologjinë bashkëkohore. Janë me firmat më prestigjioze italiane.

Baçi: Pse u vonuat pagat e punonjësve kur administratorë u caktuat ju?

Arapi: Jeni të pasaktë, emërimi im është bërë më 28 mars në vitin 2022. Punonjësit i kemi gjetur në greva se nuk janë paguar nga drejtori deri në muajin prill. Nga financimi që bëmë nga buxheti pagat e tyre edhe të prapambetura u realizuan./ CNA.al

 





Lajmet e fundit nga