web counter
LEXO PA REKLAMA!

SHKARKO APP

App Store
Google Play

E fundit!

x

‘Fyerje për demokratët’/Strazimiri: Alibeaj të flasë për takimet e fshehta me Ballën

17 Nëntor 2022, 20:01, Aktualitet CNA
‘Fyerje për demokratët’/Strazimiri: Alibeaj të
Anëtari i Kryesisë së PD, Gent Strazimiri

Anëtari i Kryesisë së PD, Gent Strazimiri, ka komentuar deklaratën e deputetit Enkelejd Alibeaj, i cili sot në Kuvend sulmoi deputetët e PD-së , duke thënë 'parazitë në opozitë nuk pranojmë'.

Strazimiri tha se kjo është fyese për të gjithë demokratët ndërsa ka kërkuar të tregojë për takimet e fshehta me Taulant Ballën dhe të flasë për dakordësinë që i ka dhënë për gjëra që nuk duhet dhe që nuk e ka mandatin për ta bërë.

"Nëse ka foluar në cilësinë e punëtorit të opozitës dhe jo të parazitit, të tregojë çfarë ka bërë deri tani përveçse ka takuar Taulant Ballën dhe i ka dhënë 'OK' për gjëra që nuk duhet t'ia jepte dhe nuk ka mandatin ta bëjë.

Sot ka qenë një ditë e keqe sepse ai ka fyer të gjithë demokratët. Duke konsideruar parazit demokratët, këta të fundit janë në këmbë ndryshe nga Alibeaj, Basha e disa të tjerë që i premtuan më 26 prill betejë pa kompromis kundër regjimit.

Demokratët janë në betejë, mbushin sheshet, bëjnë sakrificën e tyre pavarësisht se një pjesë e përfaqësuesve të tyre për të cilët kanë lënë kockat për tu mbledhur votat, i kanë lënë në mes të rrugës.

Fjalia është shumë e rëndë. Alibashat, sharjet për demokratët duke i quajtur llumi e pijanecë, gjuhë nga e cila kishin hequr dorë, i janë rikthyer sërish.

Duhet të marrin përgjigjen e duhur nga demokratët, nga ata të cilët i kanë sfilitur 8 vite në protesta false", tha Strazimiri./ CNA.al





Lajmet e fundit nga