web counter
LEXO PA REKLAMA!

SHKARKO APP

App Store
Google Play

Një sqarim i nevojshëm për Ola Xamën dhe akuzatorët e Portit të Durrësit

18 Nëntor 2022, 10:08, Aktualitet CNA

Një sqarim i nevojshëm për Ola Xamën dhe akuzatorët e

Gazetarja Ola Xama ka reaguar në lidhje me shkrimin e djeshëm të CNA-së, se kush e pagoi, çfarë ka ndodhur, pse ajo ndryshoi qëndrim në lidhje me projektin e Portit të Durrësit.

Së pari për korrektesë profesionale, reagimin e saj e kemi publikuar të plotë, ku mes rrjeshtave do të gjeni mjaft detaje.

Pretendimet e saj se ndryshimi i qëndrimit është emancipim.

Në fakt në gazetari ndryshimi i qëndrimit nuk është emancipim. Është ose paaftësi ose shitblerje.

Mund të theksojmë gjithashtu se në reagimin e saj, Ola përpiqet të fajësojë TV Klan-in, që e ka çuar në Dubai për të bërë kronikën me investitorin e famshëm, Muhammed El Alabbar, duke thënë se ka bërë një kronikë për të raportuar se kështu ia ka kërkuar Klan-i.

Në fakt, nuk ka asgjë të keqe është një shans i madh të shkosh të takosh Alabbar-in dhe të bësh një kronikë.

Por, më tej ajo thekson se ka parë letrat dhe pastaj ka ndryshuar mendim. Cilat letra?

Në fakt Ola ka shkuar në Dubai dhe Alabbar-i ka thënë se është ai që do të vijë të investojë në Shqipëri.

Tani, thotë jo, se ka parë disa letra. Po cilat letra?

Pse del “Eagle Hills” apo pse nuk del “Eagle Hills” apo si ka vendosur Alabba-ri të vijë në Shqipëri?

Fillimisht gazetarët në rrjete sociale, më pas edhe opozita e cila është në të drejtën e saj politike të sulmojë një projekt pa asnjë diskutim thanë se ishin ofshorë.

Tani po dalin që nuk janë ofshorë, por janë një zinxhir kompanish të zotit Alabbar dhe familjarëve të tij, ashtu si ata funksionojnë atje në Emirate. 

Ola që na paska qenë në Dubai dhe  na ka thënë se Alabbar-i është ai që do të vijë të investojë në Durrës, del dhe thotë që nuk është Alabbar-i, se ka parë dokumenta, problematika dhe të tjera si këto.

Që kjo të sqarohet dhe Ola të jetë një gazetare profesioniste dhe e paakuzuar për ndryshimet në qëndrimeve mund të pyesë zotin Alabbar, se a është ai që po vjen në Shqipëri?

Një sqarim i nevojshëm për Ola Xamën dhe akuzatorët e
Muhammed El Alabbar

Sepse mesa dimë ne si media dhe shumë media të tjera, kanë shkuar shumë gazetarë në Dubai dhe Alabbar-i ka konfirmuar se do të jetë ai që do të vijë. Ka ardhur dhe vetë në Shqipëri dhe ka takuar dhe dhjetra biznesmenë e ndertues. 

Vjen me një kompani direkte apo hapet një kompani e  re, futen aksionerë të tjerë, hapet dhe një kompani tjetër, bëhen ortakëri apo shtohen ortakët, kjo është një diçka krejt tjetër që e vlerëson investitori, por po të hapesh letrat del e vërteta, jo ajo që thotë Ola Xama e disa të tjerë. 

Por, meqë Ola na pretendon gazetarinë e ndershme dhe tani kur ka ardhur ka ndryshuar mendje, a mund ta pyesë Alabbar-in dhe të na thotë a do të vijë ai vetë? 

Në rast se Alabbar-i thotë se jam unë dhe kam zgjedhur të vij me këto kompani sepse kjo është zgjidhja ime, atë nuk e vendos as opozita as Qeveria as Ola.

Një pyetje kemi sërish për Olën.

E ndryshove qëndrimin se ike nga Klan-i dhe ta kishte fajin Klan-i apo e ndryshove qëndrimin për diçka tjetër? Se letrat flasin ndryshe.

Ky është thelbi i gjithë debatit. Pjesa tjetër se ka ndryshuar qëndrimin se kur ishte në Klan apo për inat se ka ikur nga Klan-i e tani çka shkëlqyer duhet ta nxijë apo çka nxirë duhet ta ndritë, kjo është zgjedhja e saj personale.

Kjo është çështje krejt teknike. Tani kur Ola të përgjigjet i kërkojmë sqarimin e Alabbar-it, do vijë apo nuk vijë ai.

Nuk po ngremë gishtin ndaj një gazetari që nuk ka shkuar në Dubai, por ndaj çdo gazetari që ka shkuar dhe ka folur pro dhe tani bën sikur ka lexuar disa letra dhe ndryshoi mendim.

Kemi të drejtën morale dhe mediatike ti themi se ke shkuar dhe na ke thënë se sa i mirë, sa i sigurtë, çfarë investitori, çfarë ka bërë, ky është ai që do të vijë në Shqipëri dhe se çfarë zhvillimi do të sjellë.

Tani ndryshon qëndrim duke iu referuar disa letrave, në vend që të pyesësh pikërisht atë që e ke “ngritur” në qiell, muaj më parë, Alabbari-in./CNA.al





Lajmet e fundit nga