E fundit!

09:23 Aktualitet

Shqipëria avancon në negociatat me BE-në, sot hap i ri drejt integrimit europian

Shqipëria shënon një tjetër moment të rëndësishëm në rrugë...

Reagon nga Ola Xama/ “Ndryshimi i qëndrimit është emancipim”

18 Nëntor 2022, 08:20, Aktualitet CNA

Reagon nga Ola Xama/ “Ndryshimi i qëndrimit është

Pas shkrimit të publikuar në CNA.al, ka reaguar gazetarja Ola Xama, e cila thkeson se ka ndryshuar qëndrimin pasi ka parë dokumentat.

Në fakt Ola Xama është një nga gazetaret që ka shkuar në Dubai dhe na ka thënë që investitori është Muhammed El Alabbar dhe ka folur për veprat e mëdha që ka bërë Alabbar-i.

Tani pas disa kohësh ka ndryshuar qëndrim dhe pretendon se ka parë disa dokumente.

Ne si media do të mbajmë qëndrim ndaj çdo gazetari që ka shkuar në Dubai dhe na ka thënë dje që është Alabbar-i dhe na thotë sot që nuk është Alabbar-i.

Kush e paguan Ola Xamën që të godasë projektin më të madh në Shqipëri?
17 Nëntor, 22:28

Kjo për parimin e thjeshtë dhe të vetëm përse ka ndryshuar qëndrimin dhe e dyta kur janë kaq profesionalë përse nuk pyesin Alabbar-in është apo nuk është ai, apo vjen apo nuk po vjen ai.

Pjesa tjetër është debat politik.

Më poshtë po sjellim të plotë reagimin e gazetares Ola Xama.

Pikesepari dua t’iu ve ne dijeni qe nuk jam paguar nga askush per te bere reagime ne rrjete sociale apo per te shprehur opinionin tim kur me ftojne te jap mendimin tim. Ne te gjithe karrieren time si gazetare kam refuzuar kur me eshte ofruar pagese. Ne rastin e Portit te Durresit, as kam marre dhe as me eshte ofruar.

Pyetja qe ju ngrini nuk eshte korrekte dhe nuk bazohet ne fakte. Ne pyetje ka nje konstatim se Ola Xama eshte paguar, ceshtja eshte nga kush?! Kerkoj korrigjimin e ketij titulli i cili jo vetem cenon etiken e profesionit te gazetarit dhe bie ndesh me parimet pasi nuk paraqet asnje fakt, por demton figuren dhe profesionalizmin tim pa asnje baze.

Nga kush eshte paguar Ola Xama? Te ardhurat e mia jane te deklaruara dhe jane nga paga si gazetare dhe projekte e shkrime te cilat ne te gjitha rastet i botoj me emer, duke marre pergjegjesi te plote!

Sa i takon ceshtjes qe ju hidhni per ndryshim qendrimi, deshiroj te sqaroj dy koncepte: raportimin dhe opinionin. Ne momentin qe une raportoj nje lajm apo kronike perpiqem te jem e pavarur dhe te mos perfshij opinionet personale. Ne Facebook apo kur ftohem per te dhene opinion, mendimi eshte personal.

Ne rastin e kronikes qe ju citoni, une jam derguar si gazetare ne Dubai nga televizioni Klan per te raportuar negociatat mes qeverise dhe Emaar Group. Aty flas per kompanine Emaar dhe investimet e saj ne Dubai. Ka nje interviste me z. Alabbar, nje me ministren Balluku dhe nje interviste me ish- ministrin e Financave ne ate kohe Ahmetaj. Raportoj negociatat dhe cfare kane thene ata. Ata thone qe do te vije kompania Emaar, por ne fakt vjen Eagle Hills e hapur 1 vit me pare dhe me kapital modest 10 mije leke, ata thone qe Porti i Durresit do te kthehet ne marinen me te madhe turistike ne Ballkan dhe Europe por ne fakt rezulton se do te jete marine e vogel me vetem 280 vende varkash, ata thone se do te investohen 2.1 miliard euro per 5 vjet, por del qe do te investohen nga kompania vetem 160 milion euro dhe te tjerat do te vijne nga shitja e apartamenteve, ndersa shuma do te investohet per 20 vjet dhe jo per 5. Ata nuk thone qe do te jepet toke falas, ata nuk thone qe te lidhura me kompanine do te kete dhe firma Off-shore qe nuk i dihen pronaret. Ata thone se do te punesohen 50 mije persona dhe del se ne fakt do te punesohen 12 mije.

Kush ka ndryshuar qendrim? Une apo qeveria me investitorin?

Opinionin tim se fundi per kete ceshtje e kam shprehur pasi kam lexuar te gjithe dokumentacionin dhe Marreveshjen Kuader qe pritet te miratohet dhe kam mbajtur nje qendrim publik qe ne mendimin tim mund te kete vlere per mireqeverisjen dhe jep nje kontribut te vogel ne nje shoqeri ku nje pjese rrine indiferente ndaj fenomeneve qe cenojne interesin publik.

Me kete argument qe ju keni bere, i bie qe kur bej kronike Kryeministrin qe premton uljen e taksave e pas ca kohesh i rrit dhe une reagoj kunder, i bie qe kam ndryshuar qendrim kundrejt pageses?

Por mbi te gjitha, edhe te ndryshosh mendim ( edhe pse ne kete rast nuk e kam bere ) nuk ka asgje te keqe, madje quhet emancipim dhe progres. Mentaliteti qe duhet te rrime besnik eshte monist dhe nuk sjell zhvillim. Ne vite kam shume mendime qe kam ndryshuar, por kjo s’do te thote qe me paguan njeri.

Prandaj, duke ju kerkuar zbatimin e parimeve te raportimit korrekt, me fakte dhe te pavarur kerkoj korrigjimin e ketij shkrimi./CNA.al