web counter
LEXO PA REKLAMA!

SHKARKO APP

App Store
Google Play

"Ai park na mban gjallë"/ Banorët e Divjakës sërish në protestë kundër traut

18 Nëntor 2022, 11:22, Aktualitet CNA

"Ai park na mban gjallë"/ Banorët e Divjakës

Banorët e Divjakës kanë vijuar sërish ditën e sotme protestën kundër vendosjes së traut, përmes të cilit futesh në zonën e parkut.

Ata janë kundër vendosjes së tarifës që caktoi Ministria e Turizmit dhe Mjedisit, ku sipas vendimit çdo vizitor duhet të pagujaë 50 lëke të reja ndërsa automjetet 150 lekë.

Me pankarta në duar ata kanë nisur marshimin e tyre, ku të gjithë njëzëri thonë se nuk do t’a lejojnë që hyrja në Parkun e Divjakës të bëhet me pagesë.

Kreu i PD-së për Divjakën, Eduard Sharka u shpreh se trau është vendosur në mënyrë të jashtëligjshme.

“Ai park i mban të gjallë, me oksigjen. I vetmi tra i ligjshëm është ai që ndan kufijtë, por jo një rrugë nacionale. Çdo qytetar i Divjakës, dhe çdo turist e ka të drejtë që do të shkojë drejt plazhit. Mënyra e vendosjes së traut është simbol i arrogancës, i mungesës së lirisë. Qëllimi i vetëm i kësaj qeverie është punësimi i disa patronazhistëve. Bizneset paguajnë taksa, por do të preken nga vendosja e këtij trau.”, tha ai.

Kujtojmë se dje protesta u shoqërua me tensione, ku pati edhe përplasje mes qytetarëve dhe policisë, ndërsa sot, deri tani situata duket më e qetë./CNA.al





Lajmet e fundit nga