web counter
LEXO PA REKLAMA!

SHKARKO APP

App Store
Google Play

Protesta kundër traut në Divjakë/ Nën hetim kreu i PD-së Lushnje dhe 4 të tjerë

18 Nëntor 2022, 14:25, Aktualitet CNA

Protesta kundër traut në Divjakë/ Nën hetim kreu i

Policia në Divjakë ka vënë nën hetim 5 protestues, mes tyre edhe kreun e PD-së Lushnjë Eduart Sharka për organizimin e protestës në hyrje të parkut të Divjakës

Pesë personat e vënë nën hetim janë: Eduart Sharka, Julian Meco, Naun Gjini, Denis Prifti dhe Leonidha Gjini.

Njoftimi i policisë:

‘Specialistët për Hetimin e Krimeve të Komisariatit të Policisë Divjakë referuan materialet në Prokurori dhe nisi procedimi në gjendje të lirë për shtetasit: E. Sh., 64 vjeç, J. M., 46 vjeç, N. Gj., 71 vjeç, D. P., 29 vjeç dhe L. Gj., 64 vjeç. Këta shtetas, ditën e djeshme, kanë organizuar një protestë në hyrje të parkut kombëtar të Divjakës dhe nuk u janë bindur thirrjeve të punonjësve të Policisë, për të zhbllokuar rrugën, me qëllim normalizimin e lëvizjes në këtë zonë. Materialet procedurale i kaluan Prokurorisë pranë Gjykatës së Shkallës Parë Lushnjë, për veprime të mëtejshme.’- njofton policia.

Kujtojmë se ditën e djeshme dhe ditën e sotme protesta është shoqëruar me tensione, ku ka pasur edhe përplasje fizike mes protestuesve dhe policisë.

Në protestën e sotme është gjuajtur me gurë kabina në të cilën do të ishte biletaria si dhe janë thyer xhamat e saj./CNA.al

 





Lajmet e fundit nga