E fundit!

15:32 Politikë

Nesër mbahen zgjedhjet në Këshillin Kombëtar të PD-së/ Ja çfarë pritet nga gara

Këtë të mërkurë, Partia Demokratike do të mbledhë Këshilli...

Si shpëtoi administratorja e inceneratorit të Tiranës nga qelia/ SPAK dyshon se mund të prishen hetimet

19 Nëntor 2022, 14:59, Aktualitet CNA

Si shpëtoi administratorja e inceneratorit të Tiranës nga qelia/

Katër ditë më parë, SPAK bëri 5 arrestime për inceneratorin e Fierit, ndërkohë që në listë kishin 11 emra, biznesmenë dhe administratorë.

Ndaj Arben Dervishaj, Giuseppe Ciaffaglione, Loran Dusha, Arbër Denizi, Juri Ymeraj, Silvester Dreza, Regan Merdani, Gentian Zifla, Robert Shabani, Enver Sheshi. Arjola Kodra, GJKKO kishte firmosur urdhër-arrestet, por 6 prej tyre ishin larguar jashtë vendit.

Në seancën për masën e arrestit, Prokuroria kërkoi për 10 nga 11 personat , përfshirë këtu ata që nuk u arrestuan, masën “arrest me burg”, e cila u konfirmua nga GJKKO.

Sipas dosjes së siguruar nga CNA.al, në arrest shtëpie u la administratorja e inceneratorit të Tiranës, Ariola Kodra.

Në dosje thuhet se “e dinë që janë në hetim dhe ekziston rreziku i ikjes së tyre pasi rrezikojnë një dënim të lartë nga veprat për të cilët dyshohen, mund të largohen për t'i shpëtuar dënimit të mundshëm.

Ndër të tjera në dosje saktësohet se ekziston mundësia e ndërhyrjes së personave nën hetim me qëllim pengimin e hetimeve dhe vështirësinë e marrjes së provave.

“Kjo pasi nga ana e organit procedurës kryhen veprime hetimore në vijimësi, siç është edhe pyetja e personave që kanë dijeni për veprën penale dhe personat nën hetim mund të ndikojnë në lidhje me rrethanat e hetimit, to këta persona në mënyrë të drejtpërdrejtë ose nëpërmjet bashkëpunëtorëve të tyre.

Po kështu, në kërkesën për caktimin e llojit të masës së sigurimit, nga ana e prokurorisë mbahet parasysh proporcionaliteti dhe përshtatshmëria e nevojave të sigurimit, në raport edhe me veprat penale për të cilët dyshohen personat e mësipërm, duke vlerësuar rëndësinë e faktit, sanksioni që parashikojnë këto vepra penale, shkallën e nevojave të sigurimit në rastin konkret, si dhe rrezikshmërinë shoqërore për secilën nga këto vepra penale.

Nisur nga përshtatshmëria e masës së sigurimit me nevojat e sigurimit duke marrë parasysh sanksionin që parashikohet për këto vepra penale, rrezikshmërinë e personave nën hetim, në rastin konkret, nevojat e sigurimit janë të mëdha, referuar rrethanave të faktit penal, dëmit të shkaktuar interesave të ligjshme të shtetit, nga ana e prokurorisë vlerësohet se masa më e përshtatshme për personat nën hetim Arben Dervishaj, Giuseppe Ciaffaglione, Loran Dusha, Arbër Denizi, Juri Ymeraj, Silvester Driza, Regan Merdani, Gentian Zifla, Robert Shabani, Enver Sheshi, është ajo e "arrestit në burg", parashikuar nga neni 238 i K.Pr.Penale.

Ndërsa nisur nga rrethanat familjare të personit nën hetim Arjola Kodra, nga ana e prokurorisë vlerësohet se masa më e përshtatshme është ajo e "arrest në shtëpi", ka arsyetuar prokuroria, ndërkohë që pjesën më të madhe të personave që akuzohen për aferën e inceneratorëve janë në kërkim./CNA.al