web counter
LEXO PA REKLAMA!

SHKARKO APP

App Store
Google Play

E fundit!

x

Banalizimi  i aferës së inceneratorëve me bileta avionësh dhe biletash në stadium

20 Nëntor 2022, 11:04, Aktualitet CNA
Banalizimi  i aferës së inceneratorëve me bileta
Foto ilustruese

Pas publikimit të akuzës nga SPAK, dhe  dërgimit në Gjykatë të disa nga administratorëve të kompanive të inceneratorëve apo punonjësit e saj në media kanë vërshuar akuzat që ka nxjerrë SPAK.

Lajmi i parë isht supervizori Arben Dervishaj dhe njerëzit që kanë drejtuar apo akuzohen se, janë organziatorët  e evazionit të madh fiskal dhe abuzimit me koncensionet e inceneratorëve, nami i madh për bileta avioni, a thua çfarë ka zbuluar SPAK-u, shpenzime kosto të mëdha se i kanë hipur avionit dhe kanë parë Juvenstusin në Champions League e të tjera si këto.

Banalizimi  i aferës së inceneratorëve me bileta
Arben Dervishaj

Për ata që nuk e kuptojnë se si qëndron e vërteta, Arben Dervishaj nuk është një njeri i varfër, por është një biznesmen, ndërtues, dhe askush nga ata që e njohin dhe e dinë se kush është, nuk ka nevojë Arben Dervishaj për një biletë avioni, as për një natë hoteli apo për të parë një ndeshje në Champions League, për të mos thënë që bileta Championsi dhe evente të tilla në Shqipëri gjenden falas nga kompanitë që i ofrojnë apo nëpërmjet agjensive turistike me vlera qesharake, që në fakt e bëjnë banale aferën e inceneratorëve.

Së pari gazetarët duhet të jenë shumë të kujdesshëm kur i japin zë diçkaje që nuk ka vlerë. Thelbi i aferës së inceneratorëve nuk janë dy  tre bileta, nuk quhen ato korrupison, as një biletë avioni.

Ka fluturime të lira në Itali me Wizz pafund. Ka paketa që mund të shkosh të shikosh  një ndeshje Championsi me gjithë hotel, biletë stadiumi, avioni e të tjera me 500 apo 600 euro.

Mendojnë gazetarët apo qytetarët se afera e inceneratorëve është një pazar 500-600 eurosh, apo është një provë e madhe 500 eurot apo qoftë edhe 1000 eurot për të shkuar për të parë një ndeshje të Juventusit?

Jo. Afera e inceneratorëve nuk është e tillë, nuk është një biletë avioni, nuk është një natë hotel, nuk është një fluturim në Itali, nuk është një ndeshje stadiumi, nuk është e tillë.

Afera e inceneratorëve, është një aferë me kontrata të firmosura, 480 milionë euro, nga të cilat 50 milionë euro për dy inceneratorë, në Elbasan dhe në Fier. I Elbasanit që të punojë ka një kosto kolosale prej 1.5 milionë euro në vit, ai i Fierit nuk ka përfunduar dhe nuk punon, dhe inceneratori i Tiranës që nuk ekziston.

Banalizimi  i aferës së inceneratorëve me bileta
Foto ilustruese

E pra 480 milionë euro kontrata koncensionare, që sipas ekspertëve vlera reale  e qarkullimit sidomos për përpunimin e mbtejeve në landfillin e Tiranës mund të jetë edhe dyfish, katandiset në një akuzë nga SPAK për disa bileta avioni, katandiset në disa akuza për ndeshje Champions League e të tjera si këto.

SPAK, ndoshta mund ta ketë bërë mirë punën e tij dhe ndoshta është mjaftuar të çojë në gjykatë fillimisht vetëm këto akuza e më pas të nxjerrë të tjera.

Banalizimi  i aferës së inceneratorëve me bileta
Foto ilustruese

Fakti është që kanë gjetur e-mailet e Alqi Bllakos, ajo po, që është një provë e madhe, por t'i japësh zë kaq shumë avionëve apo ndeshjeve të stadiumit në një aferë të tillë është e kotë.

Problematikat e inceneratorëve fillojnë së pari me vlerat e fryra të tyre.

Koncensioni i ofruar 22 milionë euro në Elbasan, nuk është aq, pra realisht kostoja është shumë herë më e ulët, pasi aty janë gjetur evazion, fatura false, pagesa e të tjera si këto. E njëjta situatë është me Fierin. Nga 22 milionë që ka qenë Elbasani është bërë 28 Fieri. Ndoshta është pretenduar të merret një incenrator më cilësor por kjo ka pak rëndësi. Fakti është që janë 4 miliardë lekë, rreth 3.5 milionë euro me fatura fiktive për punë të pakryera, pa folur që mes atyre faturave ka dhe  firma fallco mes administratorësh e të tjera i këto.

Miliona euro për mediat

Në të dyja janë dhjetëra milionë euro. Kjo sepse këtu kemi jo vetëm lekët, që nuk dihen ku ka shkuar, Tvsh pa paguar, skemat e evazionit, paratë e firmosura për volume punimesh të pakryera qoftë në Fier, Elbasan apo edhe në Tiranë, kur të hetohet. Por edhe për paratë që janë paguar mediat që kanë bërë propagandën, që janë edhe ato me milona euro, përfshirë këtu Top channel-in e Vjollca Hoxhës, News 24 e Irfan Hysenbelliut, Reportin e Carlo Bollinos, portalet online, afër qeverisë, individë të caktuar që kanë përfshirë gratë e tyre nëpër kompani, në QKB, thjesht dhe vetëm për të marrë disa miliona muaj për muaj. Prandaj është qesharake dhe banalizuese e gjithë zhurma për  bileta stadiumi apo bileta avioni.

Për dy burra apo dy gra që kanë shkuar në Itali, as nuk zbulon të vërtetën, as nuk tregon sa është abuzimi. Abuzimi është me miliona euro. SPAK ka për detyrë ti gjejë.SPAK duhet të bllokojë asetet e çdo Klodian Zotoje, Mirel Mërtiri apo Setal Gugalleje kudo ku kanë qarkulluar para, në çdo lloj llogarie bankare.

Afera me matësat e ujit

Do të jetë mjaft e vështirë për ti shkuar deri në fund por do të zbardhen shumë të vërteta. Që nga skandalet e lidhura me ujësjellësat që fillojnë në Korçë, shkojnë në Berat, shkojnë në Fier, në Lushnje , Tiranë e gjetkë. Duhet të kryqëzojnë faturat me shumë kompani deri tek pagesat e mediave, me ortakëri dhe kompani të bëra jashtë vendit, me ortakëri të bëra me pronarë mediash në Shqipëri, me ortakëri dhe persona të tjerë, pa folur për pagesat e konsulencave e të tjera si këto.

Ajo që bëhet duke folur për bileta avioni, stadiumi e të tjera si këto është thjesht dhe vetëm banale, është një banalizim i skandalit dhe aferës së inceneratorëve.

Ashtu sikur është banalizim edhe fakti se janë arrestuar disa drejtorë apo administratorë të kompanisë që vlejnë një hiç në të gjithë këtë histori korrupsioni. Ndërkohë që shumë zyrtarë të lartë përfshirë sekretarë të tjerë të përgjithshëm, njësitë e zbatimit të projekteve që janë çelësi i korrupsionit dhe abuzimit, në ato investime vazhdojnë të jenë të lira, pa shkuar tek persona të rëndësishëm politikë, përfshirë këtu ministra, e të tjerë perosnazhe që duhen zbuluar me fakte dhe prova, jo me bileta avionësh për të parë ndeshjen e Championsit apo për të udhëtuar deri në Romë.

Këto janë një hiç, në lidhje me të vërtetën e madhe të inceneratorëve dhe media duke raportuar ato nuk bën gjë tjetër veçse e banalizon dhe bie në kurthin e SPAK-ut, që ndoshta është një grackë për të krijuar një akuzë më të lehtë për zyrtarët e lartë të shtetit. E vërteta nuk fillon dhe nuk mbaron as me një biletë avioni, as me një biletë stadiumi, as me një ndonjë natë në hotel. E vërteta është se si thasë me para nga taksat e shqiptarëve janë abuzuar me dy inceneratorë që nuk funksionojnë dhe një të tretë që nuk ekziston, vlera e tyre në kontrata shkon 480 milionë euro./ CNA.al

 





Lajmet e fundit nga