web counter
LEXO PA REKLAMA!

SHKARKO APP

App Store
Google Play

E fundit!

x

Rrugorja, me “dorë të hekurt”/ “Kërcasin” gjobat për shoferët

12 Shtator 2023, 09:29, Aktualitet CNA
Rrugorja, me “dorë të hekurt”/ “Kërcasin”
Foto ilustruese

Policia Rrugore ka shtuar kontrollet për të parandaluar aksidentet rrugore dhe për rritjen e parametrave të sigurisë rrugore dhe për të lehtësuar qarkullimin gjatë fashave të orareve me fluks të shtuar, për shkak të fillimit të vitit shkollor.

Gjatë 2 javëve të fundit, Policia Rrugore bën me dije se janë arrestuar 51 drejtues mjetesh dhe motomjetesh, për drejtim të mjetit, në gjendje të dehur dhe/ose pa leje drejtimi, si edhe janë sekuestruar 31 motomjete.

Gjithashtu, si rezultat i monitorimit të akseve rrugore të qarkut, me shërbime të shtuara dhe me pajisje të logjistikës bashkëkohore:

•Janë ndëshkuar 1238 drejtues mjetesh, për qarkullim me shpejtësi tej normave të lejuara;

•Janë ndëshkuar 514 drejtues mjetesh, për parakalime të gabuara;

•Janë ndëshkuar 420 drejtues mjetesh, për përdorim të celularit, gjatë drejtimit të mjetit;

•Janë ndëshkuar 280 drejtues motomjetesh për mosvendosje të kaskës mbrojtëse;

•Janë ndëshkuar 339 drejtues automjetesh, për mosvendosjen e rripit të sigurimit;

•Janë ndëshkuar 480 drejtues automjetesh, për ndalim ose pushim të automjetit, në kundërshtim me sinjalistikën rrugore.

Policia Rrugore e Elbasanit vijon kontrollet në të gjitha akset rrugore urbane, interurbane dhe rurale, me qëllim rritjen e parametrave të sigurisë rrugore.

Gjithashtu, apelon për zbatimin me rigorozitet të rregullave të qarkullimit rrugor, në favor të jetës dhe shëndetit tuaj./ CNA





Lajmet e fundit nga