web counter
LEXO PA REKLAMA!

SHKARKO APP

App Store
Google Play

Vjedhja e fondeve IPARD/ Rama nga Kroacia: Duhet të bëjmë korrektime në këtë fushë

2 Tetor 2023, 14:58, Aktualitet CNA

Vjedhja e fondeve IPARD/ Rama nga Kroacia: Duhet të bëjmë

Kryeministri Edi Rama ndodhet në Zagreb, Kroaci, ku ka zhvilluar dhe një konferencë të përbashkët për shtyp me Kryeministrin e Republikës së Kroacisë, Andrej Plenkovic.

Gjatë fjalës së tij Rama foli lidhur me tematikat që janë diskutuar dhe fushat në të cilat Kroacia mund ta mbështesë Shqipërinë.

Rama tha se ne kemi përfituar një mbështetje direkte për procesin e negociatave me BE duam të përfitojmë mbështetje në dije dhe për turizmin, sigurinë kibernetike.

Gjithashtu ai nuk la pa përmendur as fondet e BE për bujqësinë ku tha se ka diskutuar “për të trajtuar raste siç është rasti lidhur me disa korrektime që duhet të bëjmë në fushën e fondeve për bujqësinë”.

“Faleminderit për mikëpritjen dhe frymën pozitive të një marrëdhënieje prej së cilës ne mësojmë vazhdimisht. Kroacia është një shembull dhe burim inkurajimi e frymëzimi në procesin tonë të ecjes drejt anëtarësimit tonë në BE. Kroacia është një shembull suksesi së fundmi dhe me eurozonën. Na bën edhe më kërkues ngaj miqve në Zagreb duke na ndihmuar me eksperiencën e tyre në një proces që Kroacia ka ngritur një ngrehinë dije. Ne kemi përfituar një mbështetje direkte për procesin e negociatave në BE duam të përfitojmë mbështetje në dije dhe për turizmin, sigurinë kibernetike dhe për të trajtuar raste siç është rasti lidhur me disa korrektime që duhet të bëjmë në fushën e fondeve për bujqësinë. Një rast të tillë ka pasur dhe kroacia para shumë kohësh dhe na intereson çfarë mund të bëjmë në këtë drejtim. Kemi prekur dhe sektorin e energjisë, të kombinuar me infrastrukturën. Jemi në të njëjtin plan për ndërtimin e korridorit Adriatiko-Jonian.”/ CNA





Lajmet e fundit nga