web counter
LEXO PA REKLAMA!

SHKARKO APP

App Store
Google Play

E fundit!

x

Ju flet “Tokyo Tirana”!/ AI në televizionet shqiptare, nis nga "Euronews Albania"

2 Tetor 2023, 11:24, Aktualitet CNA
Ju flet “Tokyo Tirana”!/ AI në televizionet shqiptare, nis nga
Spikerja virtuale, Tokyo Tirana

Për herë të parë në Shqipëri, Inteligjenca Artificiale do të flasë shqip në "Euronews Albania".

Një spikere virtuale, e cila është bërë së fundmi, pjesë e ekipit të "Euronews", ka zënë tashmë vendin e saj në tryezën e studios kryesore, nga ku transmetohen lajmet e fundit, të çdo dite.

“Përshëndetje, unë jam Tokyo Tirana. Ju ftoj të ndiqni lajmet kryesore në 'Euronews Albania'”- kështu e nis edicionin e saj të parë të lajmeve, spikerja më inovative e ekraneve televizive në Shqipëri.

“Tokyo Tirana” shfaqet e veshur me xhaketë të zezë, flokët e kapura dhe e grimuar bukur, teksa përcjell çdo informacion, me një saktësi të jashtëzakonshme, pa pasur aspak nevojë për letër apo edhe për promter.

"Euronews Albania" ka sjellë kështu risinë më të fundit në ekranin e saj, duke ndjekur hapat e gjigantëve të tjerë botërorë mediatikë, të cilët kanë përfshirë Inteligjencën Artificiale, në botën e lajmit.

Me këtë hap inovativ, "Euronews Albania" synon të afrojë dhe të informojë në kohë reale, sipas gjuhës që e kërkon koha, audiencën, e cila çdo ditë po njihet e po entuziazmohet me përfitimet e Inteligjencës Artificiale.

“Tokyo Tirana”, spikerja virtuale është vetëm fillimi. "Euronews Albania" do të jetë gjithmonë një hap para me aplikimin e inovacioneve teknologjike, në Shqipëri./ CNA

 
 
 
 
 
View this post on Instagram
 
 
 
 
 
 
 
 
 
 
 

A post shared by Euronews Albania (@euronews_albania)

 





Lajmet e fundit nga