web counter
LEXO PA REKLAMA!

SHKARKO APP

App Store
Google Play

E fundit!

x

Babai i Laert Haxhiut mohon akuzat për të birin: Artan Tafani është drogaxhi, s'ka qenë kurrë mik i djalit tim

2 Tetor 2023, 10:47, Aktualitet CNA

Babai i Laert Haxhiut mohon akuzat për të birin: Artan Tafani

 

Babai i Laert Haxhiut, Qamil Haxhiu, në një intervistë televizive ka mohuar të gjitha akuzat e bëra ndaj djalit të tij, nga Artan Tafani, bashkëpunëtori i drejtësisë. 

Sipas Haxhiut, Artan Tafanit s'duhet t'i besohet dhe është person problematik dhe konsumon lëndë narkotike. Ai thekson se mes Artan Tafanit dhe djalit të tij nuk ka asnjë lidhje miqësore. 

Haxhiu ka folur edhe për emrin e avokatit nga Lushnja, Adriatik Dogës, për të cilin i penduari i drejtësisë tha se ishte në listën për t'u eliminuar. Ai tha se kjo gjë nuk ishte e vërtetë dhe se në momentin që po fliste ishte në lokalin e avokatit. 

Gjithashtu hodhi akuza ndaj Policisë së Shtetit dhe tha se djali i tij nuk ka besim te drejtësia shqiptare.

"Për 4 ditë i penduari nuk mund të zbërthejë dhe të mbajë mend kaq krime. Artan Tafanin e kanë nxjerrë ditën e enjte, pasi e përpunoi policia, e nxori në media. Unë ndodhem në një lokal, te lokali i avokatit që mediat dhe policia thonë se ka dashur ta vrasë djali im. Artan Tafani është narkotik dhe policia pse s'thotë që kur e ka gjetur e ka kapur duke konsumuar lëndë narkotike. Unë nuk kam pasur kontakt me atë. Ato që thotë Tafani, Laerti ka qenë në burg në Greqi. Le t'i verifikojë policia. Tafani s'mund të bëhet mik me djalin tim. Pse s'ka mbajtur një shënim ky, që Laerti ma ka porosiur këtë vrasje", u shpreh Qamil Haxhiu. 

Pak ditë më parë, Policia e Shtetit njoftoi se gjatë operacionit "Never Forget" janë arrestuar 12 persona, ndërsa 4 janë në kërkim. Gjithashtu janë zbardhur një sërë ngjarjesh kriminale që banda e Laert Haxhiut ka kryer ndër vite. Mes tyre 6 vrasje dhe 5 shpërthime me eksploziv. 

I penduari i drejtësisë është Artan Tafani, i cili gjatë dëshmive të tij ka treguar detaje rreth ngjarjeve kriminale. 

 





Lajmet e fundit nga