LEXO PA REKLAMA!

SHKARKO APP

Dëshmia tronditëse e të penduarit: Laert Haxhia vrau kushëririn, trupi i tij u hodh në një rezervuar

30 Shtator 2023, 12:06, Kronika CNA
Dëshmia tronditëse e të penduarit: Laert Haxhia vrau
Laert Haxhiu

Detaje të tjera tronditëse janë zbuluar nga dosja hetimore për bandën e Laert Haxhisë në Lushnje, e cila ishte e shtrirë në disa qytete të Shqipërisë. 

Sipas gazetarit Elton Qyno vrasja e Fridman Xhaferajt, në 2 qershor 2023 në Korçë, është një nga krimet më shtazarake të kryera nga Laert Haxhiu. 

Fridman Xhaferaj ishte kushëri me Laert Haxhinë. Nuk kishte shumë që kishte dalë nga burgu i Peqinit, kur u ekzekutua.  Ai akuzohej për djegien e një makine në Lushnjë, porosi që ishte dhënë nga kushëriri i tij, Laert Haxhiu. 

Pas vrasjes me një plumb pistolete, Fridmani, është hedhur në ujërat e një rezervuari në Korçë, duke dalë trupi i tij i pajestë në sipërfaqen e ujit, pas 12 ditë.

Në dosjen hetimore të prokurorisë së Elbasanit, jepet një tablo e qartë e aktivitetit kriminal të kryer gjatë viteve 2021 deri në vitin 2023 e këtij grupi kriminal.

Në rrëfimin e Artan Tafanit thuhet se brenda 24 orëve grupi i Laert Haxhiut ka kryer dy vrasje. Njërën në Tepelenë, duke ekzekutuar në derë të shtëpisë tregtarin Çajup Selimin dhe tjetrën në Korçë, duke vrarë me plumb në kokë Fridman Xhaferajn.

Sipas Tafanit vrasja e Xhaferajt është kryer pas ekzekutimit të Çajup Selimit, ku Laert Haxhiu, Lulzim Spahiu dhe Ligor Romaçka nga Korça, kanë udhëtuar nga Tepelena në drejtim të Lushnjës, e mandej nga Lushnja në drejtim të Korçës.

Sipas tij, i gjithë udhëtimi është kryer natën, me qëllim për të vrarë në 2 qershor, Fridman Xhaferaj, i cili disa ditë më parë kishte shkuar në Pogradec dhe Korçë me qëllimin largimin në Greqi./CNA

 

 

Lajmet e fundit nga