web counter
LEXO PA REKLAMA!

SHKARKO APP

App Store
Google Play

Vrasja në Rrëshen/ Merret sërish në pyetje Saimir Reçi, çfarë deklaroi para hetuesve

28 Shtator 2023, 22:36, Kronika CNA
Vrasja në Rrëshen/ Merret sërish në pyetje Saimir
Viktima Martin Bardhi

Për vrasjen e Martin Bardhit në Rrëshen, është marrë për herë të dytë në pyetje Saimir Reçi.

Raportohet se Reçi ka mohuar të ketë lidhje me ngjarjen.

Ai ka deklaruar se ka qenë në prezencë të personave të tjerë ditën kur ka ndodhur vrasja dhe kjo sipas tij, mund të verifikohet përmes kamerave të sigurisë.

“Nuk kam lidhje me ngjarjen dhe mund ta verifikoni lehtësisht dhe përmes kamerave apo dëshmitarëve ku kam qenë ditën ku ka ndodhur vrasja. Konfliktin që kemi patur është referuar në polici dhe ja kemi lënë në dorë drejtësisë”, ka theksuar Saimir Reçi.

Kujtojmë se Saimir Reçi është një nga të dyshuarit për vrasjen e Martin Bardhit, për shkak të konflikteve mes të dyja fiseve, me zanafillë të hershme.

Ky i fundit u qëllua me armë dy ditë më parë, të martën e 26 shtatorit. Ai ishte i ulur së bashku me disa persona të tjerë në lokal në momentin kur një breshëri armësh u lëshua drerjt tij. Të plagosur mbetën edhe 3 persona të tjerë, të cilët ishin në tavolinë me të./ CNA





Lajmet e fundit nga