web counter
LEXO PA REKLAMA!

SHKARKO APP

App Store
Google Play

Kërcënohet familja e të dashurës së Laert Haxhiut, rrëfehet nëna: Vajzën ma akuzojnë për vrasje, më erdhi....

29 Shtator 2023, 11:26, Kronika CNA
Kërcënohet familja e të dashurës së Laert Haxhiut,
Klea Gjata

Familja e 27-vjeçares Klea Gjata, e cila u arrestua një ditë më parë gjatë operacionit "Never Forget", thotë se është kërcënuar nga familjarët e viktimave, të vrarë nga banda e Laert Haxhiut.

Mamaja e 27-vjeçares në një intervistë televizive tha se asaj i ka shkuar në banesë nëna e një të vrari nga banda e Laert Haxhiut dhe e ka kërcënuar. 

"Erdhi nëna e një të vrari e na kërcënoi! Vajza ime s’ka lidhje me vrasjet. Ndihem e kërcënuar. Unë po pija kafen në një lokal lagje. Po ça faji kam unë. E ka emrin shpresa, mbiemrin nuk e di. Ka ardhur edhe këtu te shtëpia, më tha le të fshihet sa të dojë, vajza e saj më ka vrarë djalin. Vajza ime është një engjëll nuk ka lidhje me vrasjet. Të pyesësh në gjithë Lushnjën s’ka lidhje. Vajza ime ka qenë vajzë e re ka punuar në shtëpitë e Zvicrës duke pastruar", u shpreh nëna e Klea Gjatës, e njohur ndryshe si e dashura e Laret Haxhiut. 

"Në telefon me mua është sjellë mirë ai. Nuk e kam takuar kurrë! Unë e njoh si fytyrë që jepet në media. Nuk e njoh djalin vetë. Unë atë ditë që më morën vajzën unë e u gdhiva në spital me tim shoq pasi e kam të paralizuar. Vajza shkoi të marrë ilaçe në atë kohë erdhi policia. Kërkojmë Klea Gjatën. Mua me vajti mendja mos ka bërë aksident. Unë se kisha fare lidhjen. Erdhi vajza e mori policia, i thanë do të marrim në pyetje", u shpreh më tej gruaja në lidhje me Laert Haxhiun. 

Nëna e Klea Gjutës tregon se vajza e saj ka një dyqan rrobash në Lushnjë, por donte të largohej drejt Gjermanisë tek e motra. 

"Klea ka mbaruar administrim biznesi. Unë atë dritë syri kam. Vajza fle me mua. Jam tepër e shqetësuar, na ndihmo të lutem. Unë atë vajzë kam nuk ka bërë asgjë. Më ndihmo të lutëm. As nuk e ka takuar, vetëm të atin i njoh çunit! Ne kemi parë hallin tonë. Kam turp kam sedër pse ta pësoj ajo që është e drejtë. Unë e kam frikë atë më thoshte", u shpreh ajo./CNA

 





Lajmet e fundit nga