web counter
LEXO PA REKLAMA!

SHKARKO APP

E fundit!

x

Ekzekutoi ish-bashkëshorten në Itali/ Shqiptari vret edhe veten, gjendet i pajetë dy ditë pas ngjarjes

30 Shtator 2023, 08:35, Kronika CNA

Ekzekutoi ish-bashkëshorten në Itali/ Shqiptari vret edhe veten,

Alfred Vefa, shqiptari që vrau ish-bashkëshorten në Itali, është gjetur i pajetë.

Mediat italiane raportojnë se Vefa i kishte dhënë fund jetës dy ditë pasi ekzekutoi Klodiana Vefën në Castelfiorentino, në provincën e Firences.

Ishte një banor i zonës, i cili njoftoi karabinierët, rreth orës 4 të mëngjesit se në një një zonë të izoluar të komunës San Casciano, në Val di Pesa kishte evidentuar një makinë të dyshimtë, të parkuar dhe të braktisur.

Kur karabinierët mbërritën në vendngjarje konstatuan se ishte makina e Alfred Vefës dhe identifikuan trupin e pajetë të shqiptarit.

Paraprakisht dyshohet se ai ka qëlluar veten me armën që mund të ketë përdorur për të vrarë edhe gruan e tij.

Kujtojmë se dy ditë më parë, Alfred Vefa vrau ish-bashkëshorten e tij Klodiana Vefa. Ai qëlloi 36-vjeçaren në mes të rrugës, teksa po kthehej nga puna./ CNA





Lajmet e fundit nga