web counter
LEXO PA REKLAMA!

SHKARKO APP

App Store
Google Play

E fundit!

x

Studentët “zgjojnë” Bashën/ Leksione nga “gjumashi ekselent”

2 Tetor 2023, 09:41, Aktualitet CNA

Studentët “zgjojnë” Bashën/ Leksione nga

Protesta e studentëve të Mjekësisë në këtë nisje të vitit të ri akademik ka zgjuar nga gjumi Lulzim Bashën.

Në një postim në rrjetet e tij sociale, i ashtuquajturi “gjumashi ekselent” jep leksione se si Shqipëria mund të kthehet në një vend më të mirë për studentët.

Kreu i vetëzgjedhur i PD-së së vulës thotë se studentët largohen nga vendi për shkak se nuk kanë kushte, punë dhe pagë dinjitoze për të ndërtuar një jetë më të mirë në vend.

Gjithashtu nuk ka lënë pa përmendur dhe ligjin e vendosur nga qeveria i cili i detyron të shërbejnë në Shqipëri 5 vite pasi përfundojnë studimet.

“Sot në nisje të vitit të ri akademik i uroj studentëve dhe pedagogëve një vit të mbarë dhe të suksesshëm.

Në takime me studentë e pedagogë  jam njohur me probleme themelore të cilat përballen çdo ditë: mungesa e mbështetjes për mirëkualifikimin e stafit akademik, arsimim jo cilësor e bashkëkohor, mungesë të infrastrukturës fizike e dixhitale, tarifa studimi të larta, politika jo mbështetëse për karrierë e punësim.

Fatkeqësisht, ky vit akademik po nis me bojkot të mësimit nga studentët e Mjekësisë, të cilët me të drejtë kundërshtojnë ligjin anti-kushtetues dhe anti-demokratik të ndalimit të dhënies së diplomës së mjekut me kushtin e punësimit prej disa vitesh brenda vendit.

Studentët largohen nga vendi jo nga dëshira por sepse nuk kanë mundësi, nuk kanë kushte, nuk kanë punë e pagë dinjitoze për të ndërtuar një jetë të mirë në vend, largohen nga shpërfillja e një qeverie që nuk i dëgjon dhe nuk i ofron siguri për të nesërmen.

Shqipëria do të bëhet një vend më i mirë dhe dëshirueshëm për studentët dhe pedagogët jo duke ndëshkuar ata që kërkojnë të largohen për shkak të kushteve ku është katandisur arsimi universitar, por duke investuar në arsim dhe kërkim shkencor, duke rishikuar tarifat studimore, duke ofruar mbështetje konkrete për arsimimin dhe punësimin e studentëve me paga dinjitoze”, shkruan Basha./ CNA





Lajmet e fundit nga