web counter
LEXO PA REKLAMA!

SHKARKO APP

App Store
Google Play

E fundit!

x

Regjistrimi i studentëve në universitetin “Fan Noli” në Korçë/ Flet rektori, Dhimitër Bello: Shifrat, rekord

2 Tetor 2023, 10:57, Aktualitet CNA

Regjistrimi i studentëve në universitetin “Fan Noli”

Rektori i Universitetit "Fan Noli" në Korçë, Dhimitër Bello, ka deklaruar se shifra e regjistrimit të studentëve ka arritur një shifër rekord që nuk e prisnin, pasi shumë programe që ishin thuajse në mbyllje vitin e kaluar tashmë janë në limite të mbushjes së kuotave.

Më tej Bello ka theksuar se senati akademik do të vendosë për ato degë të cilat kanë më pak regjistrime.

Sipas rektorit dy programe janë me minimum studentësh, si dega Filozofi - Sociologjia dhe Ekonomiksi.

Ndërsa te shkencat e natyrës programet e Matematikës dhe Fizikës janë me shifra të ulëta.

Rektori është shprehur se nuk parashikohet asnjë udhëzim apo ligj për shifra minimale të regjistrimit të studentëve.

“Kur hapet një program studimi është i përcaktuar që duhet të ketë 10 studentë dhe me këtë logjikë ndoshta mund të vazhdohet edhe në programet e tjera, por këtë e vendos senati akademik”, ka thënë rektori Dhimitër Bello.

“Dua të them që shifra e regjistrimit ka arritur në një shifër rekord nga ato që prisnim, mjaft programe që vitin që shkoi ndiheshin të rrezikuara, janë në limitet e së përkryerës dhe maksimales. Natyrisht që në tregun e ashpër të arsimit të lartë ka edhe programe që kanë më pak regjistrime, por është senati akademik që vendos nëse në bazë të numrit të regjistrimit deri në fund të raundit të dytë që përfundoi dje, do të vazhdojnë si programe apo do të pezullohen përkohësisht.

Në dijeninë time janë dy programe me minumum, Filozofi - Sociologjia dhe Ekonomiksi. Ndërsa tek shkencat e natyrës programet e Matematikës dhe Fizikës janë me shifra të ulëta. Por atje, meqë keto janë programe të përafërta shumicën e leksioneve i kryejnë bashkë, natyrisht që ato mund të funksionojnë sepse kanë në përqindjen më të madhe 80-90% të programeve të njëjta.

Do shohim rast pas rasti nëse programet janë të izoluara, pra që nuk kanë lidhje me programet e tjera, natyrisht këtu do të shihet mundësia e pezullimit. Në ato që janë të përafërta në masën 70-80% ku studentët nuk janë të vetmuar pra 4-5 studentë, nëse janë mbi 10 studentë besoj se do të vazhdojnë.

Nuk parashikohet asnjë udhëzim apo ligj për shifra minimale, kur hapet një program studimi është i përcaktuar që duhet të ketë 10 studentë dhe me këtë logjikë ndoshta mund të vazhdohet edhe në programet e tjera por këtë e vendos senati akademik”, ka thënë Dhimitër Bello./ CNA





Lajmet e fundit nga