web counter
LEXO PA REKLAMA!

SHKARKO APP

App Store
Google Play

FOTO/ Alpinistët ngjitin Majën e Bogonicës në Vlorë, e riemërtojnë me emrin e heroit, Afrim Bunjaku

2 Tetor 2023, 13:34, Aktualitet CNA
FOTO/ Alpinistët ngjitin Majën e Bogonicës në Vlorë, e
Grupi i ngjitjeve malore

Maja e Bogonicës ka marrë emrin e heroit të Kosovës, Afrim Bunjaku, i cili humbi jetën pasi u qëllua nga një grup terrorist serb.

Grupi i ngjitjeve malore dhe ecjeve në natyrë Ceta Hiking vendosi që në 1 tetor të realizojë ngjitjen e saj të parë me motivin që antarët e grupit i frymëzonte shumë.

Ata u ngjitën në Majën e Bogonicës 1653 m me një disnivel 1452 m, një nga majat më të bukura dhe me vlera alpinistike në Qarkun e Vlorës dhe ta riemertojë këtë majë me emrin Maja e Afrim Bunjakut në nderim të policit dëshmor të atedheut të rënë në  veri te Kosoves.

Nisja nga pikëtakimi midis antareve u bë në orën 6 e 30 minuta am dhe fillimi i ngjitjes në orën 8 am. Ngjitja u realizua pa problem dhe për një kohë shumë të kënaqeshme duke marrë prej saj të gjitha ato që ajo mund të ofronte për secilin.

Pas një qëndrese prej një ore në Majën Afrim Bunjaku për të ndërtuar një piramidë dhe për të vendosur flamurin që do qëndrojë në majë dhe pas firmosjes së një flamuri tjetër nga të gjithë anëtarët e për t'ia nisur familjes së Afrim Bunjakut në Kosovë filloi zbritja./ CNA





Lajmet e fundit nga