web counter
LEXO PA REKLAMA!

SHKARKO APP

App Store
Google Play

Sot përcillet për në banesën e fundit Afrim Bunjaku, efektivi që u vra dje në veri të Kosovës

25 Shtator 2023, 09:30, Kosova & Bota CNA
Sot përcillet për në banesën e fundit Afrim Bunjaku,
Afrim Bonjaku

Sot në orën 16:00 do të kryhet ceremonia mortore për efektivin e Policisë së Kosovës, Afrim Bunjakun, i cili u vra dje në komunën e Lepasoviqit nga një grup i armatosur. 

Mësohet se efektivi do të varroset në varrezat e fshatit Samadrexhë, raportojnë mediat vendase. 

“Sot nga ora 16:00 bëhet varrimi i policit të rënë në detyrë, Heroit, Afrim Bunjaku. I njoftojmë të gjithë bashkëvendësit dhe të gjithë popullin e Kosovës se nesër, ditë e hënë, nga ora, 16:00, në varrezat e fshatit Samadrexhë, me nderime shtetërore, do të bëhet varrimi i policit të rënë në detyrë, bashkëvendësi ynë, Heroi, Afrim Bunjaku”, thuhet në njoftim. 

Presidentja e Kosovës, Vjosa Osmani, në mbështetje të Kushtetutës së Kosovës, ka marrë vendim që dita e hënë, 25 shtator, të shpallet ditë zie, shtetërore në nderim të tij.

“Zija shtetërore do të jetë gjatë ditës së hënë, ndërkaq Protokolli i Shtetit ngarkohet që t`i ndërmarrë të gjitha veprimet e nevojshme për zbatimin e këtij vendimi”, thuhet në njoftimin e presidencës.

 

 





Lajmet e fundit nga