LEXO PA REKLAMA!

SHKARKO APP

"Time Square" në New York "pushtohet" nga mesazhet falënderuese për Afrim Bunjakun dhe Policinë e Kosovës

25 Shtator 2023, 09:17, Kosova & Bota CNA

"Time Square" në New York "pushtohet" nga mesazhet

Ngjarja e djeshme në veri të Kosovës, ku u vra nga një grup i armatosur efektivi Afrim Bunjaku, ka tërhequr vëmendjen jo vetëm të mediave prestigjioze ndërkombëtare, por mesazhet falënderuese ndaj tij dhe Policisë së Kosovës janë shfaqur në "Time Square" në New York. 

"Faleminderit heronjve tanë, Policisë së Kosovës", është njëri prej mesazheve që shfaqet në ekranet e mëdha.

Ndërsa në një tjetër shkruhet: "Të vdesësh për atdhe, është sikur të rilindësh përsëri, Afrim Bunjaku". 

"Time Square" në New York "pushtohet" nga mesazhet

 

Kush është Afrim Bunjaku?

Afrim Bunjaku është efektivi i Policisë së Kosovës që mbeti i vrarë në orët e para të kësaj të diele në një përplasje me një grup kriminelësh serbë prej 30 personash.

Bunjaku, së bashku me efektivë të tjerë të policisë u përballën me serbët e armatosur në Banjskë të Zveçanit.

Polici është me origjinë nga fshati Samadrexhë e Vushtrrisë. Ai është cilësuar nga miqtë dhe kolegët si një njeri i jashtëzakonshëm, me një karakter të fortë dhe një përkushtim të paepur ndaj detyrës së tij.  Ai punoi me përkushtim në detyrën zyrtare dhe dha kontribut të pazëvendësueshëm për policinë e Kosovës.

Afrim Bunjaku la pas 3 fëmijë, dy djem e një vajzë dhe familjen e tij, pasi ra në krye të detyrës, në mbrojtje të integritetit territorial dhe sovranitetit të vendit.

Para një jave, Bunjaku mori një titull mirenjohjeje për kontributin e dhënë në policinë e Kosovës.

Për vrasjen e efektivit ka pasur një sërë reagimesh dhe mesazhesh ngushëllimi. Presidentja e Kosovës shpalli të hënën ditë zie, në nderim të policit të vrarë./CNA

 

 

Lajmet e fundit nga