web counter
LEXO PA REKLAMA!

SHKARKO APP

App Store
Google Play

E fundit!

x

Atentatet ndaj prokuroreve/ Kreu i KLP-së: Kush e ndien veten të rrezikuar, t'i drejtohet komisionit

2 Tetor 2023, 13:08, Aktualitet CNA
Atentatet ndaj prokuroreve/ Kreu i KLP-së: Kush e ndien veten të
Alfred Balla

Dëshmitë e bashkëpunëtorit të drejtësisë, Artan Tafani, për atentatet e planifikuara ndaj një ish-prokuroreje dhe një tjetre në detyrë, kanë ngritur në këmbë institucionet ligjzbatuese. 

Pas përfundimit të mbledhjes, në një komunikim për mediat, kreu i KLP-së, Alfred Balla, konfirmoi se në takim me ministrin e Brendshëm, Taulant Balla, u fol edhe për kërcënimet nga grupi i Laert Haxhisë.

Ai tha se Prokuroria ka komisionin e mbrojtjes së prokurorëve dhe në momentin që dikush ndihet i rrezikuar, duhet t'i drejtohet këtij komisioni dhe në mënyrë të menjëhershme i caktohet mbrojtje.

“Në të gjitha situata e krijuara në sistemin e drejtësisë dhe prokurorisë, bashkëpunimi ynë është institucional, ligjor, i prek të gjitha fushat. Ky është një bashkëpunim që do të vijojë periodikisht edhe në të ardhmen. Sa i përket temës së eliminimit të dy prokuroreve, u prek edhe kjo në takim. Prokuroria ka komisionin e mbrojtjes së prokurorëve dhe çdo prokuror që e ndien veten të rrezikuar, qoftë fizikisht, personalisht apo edhe për familjarët e tyre kanë të drejtë t’i drejtohen këtij komisioni dhe në mënyrë të menjëhershme i caktohet mbrojtje. Dy prokuroreve u është caktuar mbrojtje, ndërsa avokati nuk varet nga ne, por ka të drejtën të kërkojë mbrojtje. Prokurorja Merita Selimi varet nga KLP, ndërsa vendimi i Këshillit të Ministrave për prokurorët e SPAK, siç në këtë rast është Doloreza Musabelliu është i ndryshëm”, tha ndër të tjera kreu i KLP-së./CNA

 

 





Lajmet e fundit nga