web counter
LEXO PA REKLAMA!

SHKARKO APP

App Store
Google Play

E fundit!

x

Planet e Laert Haxhisë për ekzekutimin e prokuroreve/ Balla: Qentë që lehin nuk të hanë, shkatërruam “kasafortën” e bandës  

2 Tetor 2023, 12:51, Aktualitet CNA
Planet e Laert Haxhisë për ekzekutimin e prokuroreve/ Balla:
Ministri Taulant Balla

Ministri Taulant Balla ka deklaruar se gjatë takimit me kreun e KLP-së, Alfred Balla, dhe kreun e Policisë së Shtetit Muhamet Rrumbullaku kanë diskutuar sot në një takim çështjen e sigurisë së prokurorëve.

Ai tha për mediat se, policia dhe garda janë në krye të detyrës për të garantuar sigurinë e çdo qytetari dhe çdo prokurori e gjyqtari dhe familjarët e tyre.

Nga ana tjetër sa i përket planeve të Laert Haxhisë për ekzekutimin e dy prokuroreve, Selimi dhe Musabelliu, Balla tha se qentë që lehin nuk të hanë dhe se kanë arritur të shkatërrojnë kasafortën e një bande kriminale.

“Jemi takuar sot, nuk është takimi i parë, jemi takuar me kryetarin e KLP për këtë çështje ku kemi diskutuar dhe e kemi bërë publik faktin që kemi diskutuar për çështjen e sigurisë së prokurorëve. Dua që t’i garantoj çdo prokurori dhe çdo gjyqtari se ministria, policia dhe garda janë në krye të detyrës për të garantuar sigurinë e çdo qytetari dhe çdo prokurori e gjyqtari dhe familjarët e tyre. Nuk ndaj të njëjtin mendim me ju se ka mungesë të kuadrit ligjor. Populli shqiptar ka një shprehje të bukur “qentë që lehin, nuk të hanë”. Falë punës së prokurorisë kemi arritur të thyejmë kasaforta e një bande kriminale dhe besojmë se në ditët në vijim do arrijmë të thyejmë edhe të tjerë. Do jemi brenda një jave për të filluar zbatimin që do përfshin ndryshim në VKM për të garantuar që çdo gjë të jetë e reflektuar si duhet”, tha Balla./ CNA





Lajmet e fundit nga