web counter
LEXO PA REKLAMA!

SHKARKO APP

App Store
Google Play

E fundit!

x

Zbardhja e 16 ngjarjeve kriminale, Balla: Priten goditje të tjera

28 Shtator 2023, 16:36, Kosova & Bota CNA
Zbardhja e 16 ngjarjeve kriminale, Balla: Priten goditje të tjera
Ministri i Brendshëm, Taulant Balla

Ministri i Brendshëm, Taulant Balla ka reaguar pas zbardhjes së  16 ngjarjeve kriminale në vend.

Ai përgëzoi policinë e shtetit si dhe bëri me dije se priten goditje të tjera.

“Operacioni i POLICISË SË SHTETIT #NEVER_FORGET bëri të mundur zbardhjen e 16 ngjarjeve të rënda kriminale. Përgëzime #Policia#ProkuroriaElbasan Presim goditje të tjera ndaj krimit si kjo”, shkruan Balla në rrjetet sociale.

Drejtori i Përgjithshëm i Policisë, Muhamet Rrumbullaku u shpreh për megaoperacionin e ditëve të fundit se janë zbardhur 6 vrasje, si dhe 5 shpërthime me eksploziv, 3 vjedhje me dhunë, 3 tentativë raste për kryerje vrasje, 1 rast kanosje polici. 

Ai shtoi se janë zbardhur edhe 2 vrasje të kryera në Greqi.

Rrumbullaku bëri me dije se deri më tani janë ekzekutuar 12 urdhra-ndalimi, nga 16 urdhër-arreste të lëshuara, 4 persona janë ende në kërkim. Megaoperacioni është zhvilluar në qytetet si Tepelenë, Peqin, Korçë, Elbasan e Athinë. 

Zbardhja e ngjarjeve të bujshme është bërë pas dëshmive të Artan Tafanit, anëtar i bandës së Laert Haxhisë, bashkëpunëtor i drejtësisë. 

Të arrestuar:
Artan Tafani
Erisiana Abedini  
Lulzim Spahia
Ligor Romaçka
Bujar Abedini
Bledar Berberi
Mariglen Topuzi
Enriko Xhahysa
Klea Xhafo
Idriz Manaj
Fatjon Veliu 
Leart Haxhiu

Në kërkim 
Lorenc Lala 
Firdeus Berberi  
Kristi Bizheku

Ederin Çaushi/ CNA





Lajmet e fundit nga