web counter
LEXO PA REKLAMA!

SHKARKO APP

App Store
Google Play

Paralajmërimi i Kurtit për Vuçiçin: Po sponsorizoni terrorin, por ne do të fitojmë

28 Shtator 2023, 13:58, Kosova & Bota CNA
Paralajmërimi i Kurtit për Vuçiçin: Po sponsorizoni
Albin Kurti

Kryeministri i Kosovës, Albin Kurti, ka paralajmëruar Serbinë se lufta e krimit dhe terrorit të sponsorizuar nga Beogradi zyrtar, do të vazhdojë dhe do të përfundojë padyshim me fitoren e Republikës së Kosovës.

”Lufta kundër krimit e terrorit të sponsorizuar nga Serbia vazhdon dhe ajo do të përfundojë doemos me fitoren e shtetit tonë të pavarur, Republikës së Kosovës, vlerave dhe interesave të saj, të qytetarëve të saj të të gjitha komuniteteve pa dallim. Pra, i gjithë ky armatim i konfiskuar, është prodhim i Serbisë, erdhi nga Serbia dhe ishte armatim aq i madh për nga lloji dhe sasia për një ushtri të tërë. Prandaj, fajësimi i Serbisë është i paevitueshëm dhe i pashmangshëm, madje edhe për ata që nuk duan të shohin e të dëgjojnë”.

Sipas Kurtit, ajo nuk ishte vetëm një bandë e thjeshtë, por grup profesionist me trajnime luftarake nga shteti serb.

”Bëhet fjalë për një bandë kriminale dhe terroriste e cila nuk ishte bandë e kontrabandës dhe as qytetarë që kanë kapur armët, por profesionistë me trajnime luftarake me së paku me lloje të armatimeve që origjinën e kanë nga Serbia. Serbia ua dha pajisjet ushtarake, ua kreu trajnimet luftarake dhe gjithashtu qëllimet politike e mbështetjen logjistike”, u shpreh kreu i qeverisë së Kosovës. 

 

 





Lajmet e fundit nga