LEXO PA REKLAMA!

SHKARKO APP

“Nga dje asgjë nuk do të jetë njësoj”/ Kurti: Të gjithë panë të vërtetën e rajonit

25 Shtator 2023, 13:03, Kosova & Bota CNA

“Nga dje asgjë nuk do të jetë njësoj”/ Kurti:

Kryeministri i Kosovës Albin Kurti ka qenë pjesë e ceremonisë së nderimit të Afrim Bunjakut, ku ka bërë me dije se Policia e Kosovës me veprimet e saj profesionale ka ndaluar skenaret e grupit terrorist.

Kurti dhe njëherë theksoi se grupi i armatosur terrorist  ishte i financuar materialisht, i përkrahur politikisht nga Serbia.

Më tej numri një i qeverisë së Kosovës u shpreh se tashmë asgjë nuk do të jetë njësoj dhe se faktet u panë qartë nga i gjithë rajoni.

"Policia e Kosovës me veprimet e saj profesionale e pamundësoi një skenar më të gjerë dhe terrorist.

Afrim Bunjaku u vra nga një grup i armatasur rëndë, të përkrahur politikisht, të financuar materialisht nga Serbia.

Reagimi profesional rezultoi me eliminimin e disa terroristëve, arrestimin e disa të tjerëve dhe neutralizmin e gjithë grupit terrorist.

Nga dje asgjë nuk mund të jetë njësoj. Faktet dolën sheshit para ndërkombëtarëve për të parë të vërtetën e rajonit", tha Kurti./ CNA

Lajmet e fundit nga