web counter
LEXO PA REKLAMA!

SHKARKO APP

App Store
Google Play

"Në pritje të zbardhjes së ngjarjes", Stano njofton për një takim të ardhshëm Kurti-Vuçiç në Bruksel

25 Shtator 2023, 15:34, Kosova & Bota CNA
"Në pritje të zbardhjes së ngjarjes", Stano njofton
Peter Stano

Zëdhënësi i BE-së, Peter Stano, ka ripërsëritur dënimin e ashpër nga Bashkimi Evropian për sulmin e rëndë që ndodhi një ditë më parë në veri të Kosovës. 

Ai thekson se ende është në vazhdim e sipër sqarimi i rrethanave të ngjarjes dhe më pas të identifikohen dhe fajtorët. 

“BE-ja ishte shumë e qartë për pritshmëritë kur është fjala për dialogun. Dhe po ashtu kur është fjala për situatën shumë, shumë të tensionuar dhe të rrezikshme në veri të Kosovës dhe zhvillimet e fundit, BE vetëm nënvizoi nevojën për të ndërmarrë hapa urgjentë për deeskalim. Sa u përket ngjarjeve konkrete të djeshme, sërish nuk kam nevojë të përsëris dënimin më të ashpër, nga Bashkimi Evropian për sulmin e tmerrshëm terrorist që ndodhi kundër pjesëtarëve të Policisë së Kosovës dhe çfarë tha përfaqësuesi i lartë në deklaratën e tij dhe në telefonatat që kishte me kryeministrin Kurti dhe me kryeministrin Vuçiç. Por përsëri, e gjithë kjo vetëm nënvizon atë që BE-ja ka thënë gjatë gjithë kohës, ne duhet të gjejmë rrugën për të dalë nga krizat e vazhdueshme dhe të kthehemi në zgjidhjen normale të problemeve përmes dialogut, sepse deeskalimi është urgjentisht i nevojshëm dhe kjo u theksua në një mënyrë shumë të dhimbshme tashmë dje dhe ditë, javë dhe madje muaj më parë. Kështu që BE-ja ishte shumë e qartë kur ishte fjala për pritshmëritë nga njëra anë dhe nga tjetra palë, se çfarë duhet të bëjnë për të kontribuar në deeskalim dhe për të hyrë, më në fund, në një pjesë të dialogut normal, kur ne nuk duhet të merremi me kriza të rrezikshme, siç po ndodh tani, kur mund t’i ndihmojmë që të dyja vendet të ecin përpara drejt normalizimit”, tha ai.

Stano përsëriti që Kosova dhe Serbia duan t’i bashkohen BE-së dhe se rruga e vetme është nëpërmjet dialogut.

Ai u shpreh më tej se Borell do të ketë së shpejti një takim tjetër me palët në Bruksel.

 





Lajmet e fundit nga