web counter
LEXO PA REKLAMA!

SHKARKO APP

App Store
Google Play

E fundit!

x

“Vrasësi i Harizajt dyshohet se ka ardhur nga Belgjika”/ Artan Hoxha: Lidhja me atentatin e Malkos

8 Qershor 2022, 21:30, Kronika CNA
“Vrasësi i Harizajt dyshohet se ka ardhur nga Belgjika”/ Artan
Gazetari Artan Hoxha

Gazetari Artan Hoxha ka treguar të tjera detaje, teksa ka folur për vrasjen e “Padrinos” së Vlorës, Edison Harizaj.

Hoxha tha se autori i atentatit, mendohet se ka ardhur nga Belgjika dhe dyshohet se është i njejti person që ka kryer atentatin ndaj Santiago Malkos.

Sipas tij, për atentatin e Harizajt, dyshimi kryesor ka qenë grupi rival me të cilin po bënte betejë në Belgjikë edhe në Vlorë.

“Te hetimet e bëra nuk më ka rezultuar emri i Xhevdet Troplinit, në atë kohë konflikti primar i Edison Harizajt ishte konflikti që kishte në Vlorë. I dyshuari i atentatit ndaj Edison Harizajt dyshohej se ishte i ardhur nga Belgjika, i ardhur për herë të pestë, personat e dyshuar për atë ngjarje janë të dyshuar edhe për atentatin ndaj Santiago Malkos. Në Durrës gjatë 2016, 2017, 2018 u vranë disa personazhe të rëndësishëm, madje në Vlorë kishte edhe një batutë, po i ha këneta e Durrësit. Në atë kohë janë shoqëruar shumë njerëz dhe ka qenë edhe Xhevdet Troplini.

Për atentatin e Edison Harizajt dyshimi kryesor ka qenë grupi rival me të cilin po bënte betejë në Belgjikë edhe në Vlorë. Hetime për këtë çështje ka edhe në Belgjikë. Ne po mblidhnim kufomat e një përplasjeje në Anvers të Belgjikës. Mes njerëzve të dyshuar pati një grup nga Tirana, dy gupe nga Durrësi, një grup nga Vlora, madje u tha që katër grupe kanë paguar para që një grup ekzekutorësh të realizonin atentatin.

Fakt është që Edison Harizaj ishte njeri që lëvizte me mjet të blinduar, unë e kam takuar me mjete të blinduara dhe atë ditë u gjet me mjet të pablinduar. Atentati ka qenë i mirorganizuar, ata që e bënë pritën kanë pasur informacion shumë të saktë. Pse kjo ngjarje kaq e rëndësishme pas kaq vitesh mbetet pa autor? Kjo sepse është një skemë e krimit të organizuar që më pas mund edhe të prishë hetimet”, theksoi Hoxha në emisionin “Në Shënjestër”./ B.A. – CNA.al





Lajmet e fundit nga