web counter
LEXO PA REKLAMA!

SHKARKO APP

App Store
Google Play

E fundit!

x

Artan Hoxha flet për kontrollet në banesën e Troplinit/ Çfarë po kërkon prokuroria e policia

8 Qershor 2022, 21:14, Kronika CNA
Artan Hoxha flet për kontrollet në banesën e Troplinit/
Gazetari Artan Hoxha

Gazetari Artan Hoxha ka bërë të tjera deklarata të forta, duke u bazuar në dëshminë e Nuredin Dumanit.

Ai tha mbrëmjen e sotme se prokuroria po kërkon prova mbështetëse për çdo të dhënë të Dumanit, duke përmendur këtu kontrollet në banesën e biznesmentit Xhevdet Troplini.

Hoxha deklaroi se ka marrë informacione se prokuroria po kërkon prova për një makinë që është përdorur apo do të përdorej për një atentat në kryeqytet.

Ai theksoi në emisionin “Në Shënjestër” se nuk mund të japë shumë detaje lidhur me këtë çështje, pasi është ende në hetim.

“Nuredin Dumani ka folur për shumë ngjarje. Jam i prirur se pavarësisht se çfarë thotë një person për drejtësinë, kam dyshimet e mia. Ai ka folur dhe për këtë ngjarje (Edison Harizajn). Ai ka folur dhe për ngjarje të tjera. Të paktën për një nga ngjarjet që ka folur se implikon personazhin. Pse e ka bërë kontrollin policia për Troplinin? Pasi ka marrë deklarimet e Dumanit, Xhixhës dhe Hoxhajt, prokuroria ka kërkuar që të gjejë prova mbështetëse. Po të ishte e kundërta, ata do të ishin arrestuar.

Fakti që s’janë arrestuar, do të thotë se nuk janë të bindur ende. Policia dhe prokuroria kanë shkuar dhe kanë kërkuar prova te Troplini. Në ndryshimet në ligj, ne si gazetarë marrim informacione se ky material përbën sekret, nuk duhet ta nxjerrim. Bëhet fjalë për një makinë që është përdorur apo do të përdorej për një atentat në kryeqytet. Është çështje që është në hetim. Prokuroria ka dashur që të gjejë prova. Dumani në rrëfimin e tij ka folur dhe për episode që kanë ndodhur në qytetin e Durrësit, ku ka përfshirë disa emra”, nënvizoi Hoxha./ B.A. - CNA.al





Lajmet e fundit nga