LEXO PA REKLAMA!

SHKARKO APP

Vrasja e ish-policit Santiago Malko/ E ëma shpërthen në lot, motra nxirret me dhunë nga salla e gjyqit

28 Tetor 2022, 14:41, Kronika CNA

Vrasja e ish-policit Santiago Malko/ E ëma shpërthen në lot,

Seanca e sotme në gjykatën e posaçme për vrasjen e ish-policit Santiago Malko ka sjellë debate të forta. Nëna e policit të ndjerë me lot në sy ka shpërthyer kundrejt dy të dyshuarve Ilir Selmani dhe Elvis Gaci.

Raportohet se në sallën e gjyqit  ishin të pranishme mamaja dhe motra e 28-vjeçarit Santiago Malko. Po ashtu i përfshirë në këtë ngjarje është dhe i dënuari Blendi Teta, i cili është dënuar me 25 vite burg.

Situata u tensionua në momentin kur Bukurie Malko, iu drejtua Tetës “mascara më vrave djalin”, dhe pas kësaj u desh ndërhyrja e gjyqtares Atalanta Zeqiri për të qetësuar situatën.

Pas legjitimimit të palëve, Blendi Teta u shpreh se nuk dëshiron të japë asnjë deklarim tjetër, përpos atyre gjërave që ka thënë në 19.07.2021.

“Nuk dëshiroj që të japë deklarime u qëndron atyre thënieve që kam dhënë në 19.7.2021 kur ka folur para gjykatës në procesin tim. Nuk dua që deklarimet të lexohen pa pranin e avokatit tim, sepse nuk duhet të merren për bazë ato deklarime të dhënë në drejtorin e policisë Tiranë sepse i kanë bërë siç u deshi qejfi. Po ashtu kam një kërkesë të merret në mbrojte gruaja ime dhe fëmijët e mi sepse janë kërcënuar vazhdimisht dhe po kërcënohen nga zonja dhe banda mbara saj”.- mësohet të jetë shprehur ai.

Pas kësaj deklarate ka pasur një shpërthim në lot nga motra e Santiago Malkos, e cila është ngritur në këmbë dhe ka fyer Tetën, duke bërë që policia e burgjeve ta nxirte me forcë nga salla, me arsyetimin se seanca duhet të vijojë e qetë.

I dyshuari Ilir Selmani, nuk ishte i pranishëm në sallën e gjyqit, dhe po ashtu mbrotja e tij nuk pranoi që prokuroria të lexonte deklarimet e tyre paraprake.

Sakaq, kërkesa e Tetës për t’u larguar nga salla e gjyqit u pranua, ndërkohë që Prokuroria vendosi të lexonte deklarimet e tij.

Në seancën e radhës mësohet se do të merren deklarimet e Ilir Selamanit lidhur me ngjarjen./CNA.al

 

Lajmet e fundit nga