web counter
LEXO PA REKLAMA!

SHKARKO APP

App Store
Google Play

Bënte kërdinë me vjedhje/ Kapet hajduti në Durrës

27 Tetor 2022, 16:09, Kronika CNA
Bënte kërdinë me vjedhje/ Kapet hajduti në Durrës
Pamje nga vjedhja

Një 37-vjeçar ka rënë në prangat e policisë së Durrësit, në sajë të operacionit policor i koduar “Mesnata”.

Bëhet fjalë për shtetasin me iniciale Xh.K., 37 vjeç, banues në lagjen nr. 12, Durrës, për veprën penale “Vjedhja”, kryer më shumë se një herë, pasi u kap në flagrancë duke vjedhur në banesën e një shtetasi.

Gjithashtu u bë zbardhja e 3 vjedhjeve të tjera dhe i një tentative për vjedhje, të kryera nga 37-vjeçari. Konkretisht vjedhjet kanë ndodhur:

•Më datë 14.10.2022, ka vjedhur disa vegla pune në një servis;

•Më datë 24.10.2022, ka tentuar të vjedhë në banesën e një shtetasi tjetër, si dhe ka vjedhur disa materiale elektrike, në një servis;

•Më datë 25.10.2022, ka vjedhur pajisje elektrike në kuzhinën e një shkolle jopublike.

Aktualisht po vijon puna, nën drejtimin e Prokurorisë pranë Gjykatës së Rrethit Gjyqësor Durrës, për zbardhjen dhe dokumentimin e rasteve të tjera të vjedhjeve që mund të jenë kryer nga ky shtetas.

Ndërkaq, materialet i kaluan Prokurorisë pranë Gjykatës së Rrethit Gjyqësor Durrës, për veprime të mëtejshme./ B.A. – CNA.al





Lajmet e fundit nga