web counter
LEXO PA REKLAMA!

SHKARKO APP

App Store
Google Play

E fundit!

x

Dyshohet se fshihet në Turqi/ Aksion për kapjen e Ibrahim Liçit, i akuzuar si autor i dy vrasjeve

25 Tetor 2022, 17:47, Kronika CNA
Dyshohet se fshihet në Turqi/ Aksion për kapjen e Ibrahim
Ibrahim Liçi

Një aksion për kapjen e Ibrahim Liçit, të shumëkërkuarit nga drejtësia shqiptare, është zhvilluar së fundmi në Turqi.

Autoritetet turke janë vënë menjëherë në kërkim të Liçit, pas dyshimeve se ai ndodhet në këtë shtet që prej 24 korrikut të vitit 2021.

Mediat me titra raportojnë se Liçi mund të jetë arrestuar, por ky lajm ende nuk është konfirmuar nga policia.

Ndërkohë, kujtojmë se Ibrahim Lici i shpallur në kërkim për vrasjen e Endri Mustafës, në maj të vitit 2021.

Emri i tij lidhet me ngjarje të bujshme të ndodhura në qytetin e Shkodrës.  Ai rezulton edhe autor i vrasjes së dy vëllezërve Ibrahim dhe Astrit Bilali në Shkodër, ngjarje e ndodhur më 30 mars të vitit 2019.

Në atë kohë u vunë në pranga dy bashkëpunëtorët e tij Arsen Stojku 29 -vjeç dhe Mislim Rama 23 -vjeç nga Vau i Dejës, ndërsa vetë Liçi u shpall në kërkim.

Ai është djali i Mustafa Liçit, ish-këshilltar bashkiak i Partisë Demokratike./ B.A. – CNA.al





Lajmet e fundit nga