web counter
LEXO PA REKLAMA!

SHKARKO APP

App Store
Google Play

Buxheti, MPJ merr 3.2 miliardë lekë/Shqipëria hap dy ambasada të reja në Kiev e Baku

16 Nëntor 2023, 14:48, Aktualitet CNA
Buxheti, MPJ merr 3.2 miliardë lekë/Shqipëria hap dy ambasada
Komisioni për Politikën e Jashtme

Shqipëria po përgatitet të hapë 2 ambasada të reja në Kiev dhe Baku.

Kështu është shprehur Sekretari i Përgjithshëm i Ministrisë së Jashtme, Gazmend Turdiu, në komisionin e Politikës së Jashtme.

Turdiu sqaroi se përveç dy ambasadave të reja po shihet mundësia edhe për hapjen e konsullatave në Maqedoninë e Veriut dhe në Malin e Zi, por plani nuk përfundon me kaq.

“Kemi në plan edhe hapjen e dy përfaqësive të reja njëra në Kiev dhe tjetra në Baku. Gjithashtu do të hapen edhe dy konsullata në rajon, në Maqedoninë e Veriut dhe në Malin e Zi.  Është në objektivat tanë ngritja e përfaqësive, së paku një në Afrikën Subsahariane”, - tha Sekretari i Përgjithshëm i MEPJ.

Ministria e Punëve të Jashtme është parashkuar të marrë nga buxheti 2024, 3.2 miliardë lekë.

Sekretari Gazmend Durda theksoi se po punohet për të rritur flotën e automjeteve në shërbim të diplomacive shqiptare në vendet e huaja, ndërsa në përfundim të mbledhjes Komisioni i Politikës së Jashtme ka miratuar në parim projektbuxhetin e 2024./CNA

 





Lajmet e fundit nga