web counter
LEXO PA REKLAMA!

SHKARKO APP

App Store
Google Play

E fundit!

x

Investigimi i CNA/ Berisha nuk kursen Arben Krajën: Nip e mbesë me pozicione në Bashkinë e Tiranës

17 Nëntor 2023, 12:56, Aktualitet CNA
Investigimi i CNA/ Berisha nuk kursen Arben Krajën: Nip e mbesë me
Foto ilustruese, Arben Kraja

Duke iu referuar investigimeve të CNA, ditën e sotme ish-kryeministri Sali Berisha, nuk ka kursyer Prokurorin Arben Kraja, duke përmendur faktin se nipi dhe mbesa e tij janë të punësuar në Bashkinë e Tiranës, që tregon konfiktin e interesit në lidhje me hetimin e inceneratorit të Tiranës, nga i cili Kraja ka hequr dorë.

“Ju e morët vesh që para dy ditësh bënte sikur hetonte djegësin e Tiranës, ish-oficeri famëzi i sigurimit të shtetit, Arben Kraja.

Dy familjarë, nip e mbesë, në Bashkinë e Tiranës, në pozicione të rëndësishme dhe deklaronte se unë në hetim nuk jam në konflikt interesi, si nuk je në konflikt interesi, çfarë do të thotë kjo, prandaj dhe hetimi u sofokua, u mbyt”, tha Berisha.

Prej ditësh CNA ka nisur një investigim ku është fokusuar në konfliktet e mundshme të interesit, në lidhje me hetimet apo vendimet e gjykatave, kjo për shkak të lidhjeve që mund të kenë prokurorët apo gjyqtarët dhe të afërm të tyre me personat që hetohen apo gjykohen.

Sipas të dhënave të siguruara nga CNA rezultoi se shumë prokurorë dhe gjyqtarë kanë strehuar familjarë të tyre, në poste mjaft të rëndësishme në institucione shtetërore, bashki, ministri, etj. Bashkia e Tiranës rezulton me numrin më të madh.

CNA zhvilloi një hetim të plotë me zotin Arben Kraja.

Sipas të dhënave të siguruara nga CNA dhe një grupi gazetarësh që kanë investiguar lidhjet familjare për njerëzit e sistemit të drejtësisë, rezultoi të jenë të punësuar apo të kenë punuar në Bashkinë e Tiranës, mbesa dhe nipi i prokurorit të SPAK-ut, Arben Kraja.

Entela Lleshi-Kruja, mbesa e zotit Arben Kraja, rezultoi të jetë punonjëse e Bashkisë së Tiranës si përgjegjëse në sektorin e prokurimeve publike, në varësi të shtetasit Taulant Tushe.

Shtetasi Edlir Kruja, nga të dhënat zyrtare, rezultoi të ketë qenë jurist pranë Drejtorisë së Përgjithshme të Rrugëve dhe Ndriçimit Publik, një institucion në varësi të Bashkisë së Tiranës.

Nga ana tjetër, për CNA, Kraja mohoi konfliktin e interesit ndonëse mbesa dhe nipi i tij kanë punuar në Bashkinë e Tiranës gjatë kohës që ai ka qenë drejtues i SPAK-ut, apo edhe si pjesë e hetimit të inceneratorit të Tiranës./ CNA

 





Lajmet e fundit nga