web counter
LEXO PA REKLAMA!

SHKARKO APP

App Store
Google Play

E fundit!

x

Shtyhet gjyqi për Laert Haxhinë/ Debate dhe përplajse mes avokatit dhe relatorit

17 Nëntor 2023, 12:04, Aktualitet CNA
Shtyhet gjyqi për Laert Haxhinë/ Debate dhe përplajse mes
Laert Haxhiu

Seanca gjyqësore për Laert Haxhinë është shtyrë dhe do të mbahet në datën 1 dhjetor në orën 14:30.

Sipas gazetares Klodiana Lala ka pasur debat në seancë mes avokatit Detar Hysi dhe relatorit të seancës Erjon Çela.

Avokati ka kërkuar që gjykata të pranojë kërkesën e tij për të hequr dorë nga mbrojtja e Laert Haxhisë, pasi as ky i fundit dhe as familjarë të tij nuk duan që Hysi të përfaqësojë Haxhiun në Gjykatë.

Relatori Çela ka marrë vendimin se Hysi do të qëndrojë në gjykatë deri sa avokati kryesisht Elvis Gorishti të jetë njohur me aktet e çështjes objekt gjykimi sipas kodit të procedurës penale.

Gjykata po ashtu ka marrë vendim që procesi gjyqësore të vijoj në mungesë të Laert Haxhisë pasi ky i fundit ka refuzuar marrjen dijeni në burgun grek ku ndodhet i ndaluar në pritje të ekstradimit të tij drejt vendit tonë.

Po ashtu Çela ka kërkuar që në seancën e radhës avokati të sjellë një prokurë të firmosur nga familjarët e Laert Haxhisë që i heqin avokatit tagrin e përfaqësimit.

Prokurorja e çështjes, Doloreza Musabelliu, duhet të paraqesë me shkrim përmbledhjen e provave shkresore për t’jua vënë në dispozicion avokatëve./ CNA





Lajmet e fundit nga