Zbardhet skema për aferën korruptive të Eco Park/ Shoferi i Mirel Mërtirit nënkontratohet për punimet

17 Nëntor 2023, 14:07, Aktualitet CNA

Zbardhet skema për aferën korruptive të Eco Park/ Shoferi i Mirel

Projekti për Eco Park

Gazetari Klodian Tomorri ka përmbledhur në pak rreshta aferën korruptive me Eco Park në Porto Romano. Gazetari sqaron se më 1 prill të 2019 është lidhur kontrata mes "Integrated Energy BV SPV" dhe "Casanova-Hernandez Architechten" për zhvillimin e projektit të Eko Parkut Durrës.

Sipas tij kjo kontratë është firmosur 6 muaj para se të hapej tenderi, 2 muaj para se të njoftohej publikisht si projekt nga kryeministri Edi Rama.

Ndërkohë, në muajin tetor të po këtij viti shpallet tenderi për mbylljen e venddepozitimit ekzistues dhe ndërtimin e ekoparkut me fond 1.9 miliardë lekë me TVSH.

Më pas ndodh e papritura. Tri ditë para shpalljes se fituesit qeveria anulon tenderin me sebepin e tërmetit.

Tomorri thekson më tej se më 27 dhjetor AKUM i jep tenderin De Mare dhe Victoria Invest per 18.5 mln euro me TVSH. Në maj të 2020 të gjitha punimet i nënkontraktohen kompanisë Artcon, të Denis Ymerit, i cili është shoferi i Mirel Mërtirit për 6 milionë euro.

"Pra afera e Porto Romanos, që denoncoi sot PD përmblidhet kështu:
1-Në datën 1 prill 2019, lidhet kontrata mes 'Integrated Energy BV SPV' dhe 'Casanova-Hernandez Architechten' per zhvillimin e projektit të Ekoparkut Durrës. (6 muaj para se të hapej tenderi, 2 muaj para se të njoftohej publikisht si projekt nga Kryeministri).
2-Maj 2019, kryeministri deklaron në 'Opinion' që do mbyllim venddepozitimin e mbetjeve në Porto Romano dhe aty do të bëjmë një ekopark.
3-Tetor 2019 shpallet tenderi për mbylljen e venddepozitimit ekzistues dhe ndërtimin e ekoparkut me fond 1.9 mld leke me TVSH.
(3/1- Dy ditë para shpalljes së tenderit De Mare hap kompani në QKB.)
4- Tri ditë para shpalljes së fituesit qeveria anulon tenderin me sebepin e tërmetit.
5-Me 16 dhjetor qeveria merr vendim që prokurimi të bëhet me negocim të drejtpërdrejtë.
6-Me 21 dhjetor lidhet kontratë bashkëpunimi mes 'De Mare srl' dhe 'Victoria Invest International'.
7-Me 27 dhjetor AKUM i jep tenderin 'De Mare' dhe 'Victoria Invest' për 18.5 mln euro me TVSH.
8-Në 14 maj të vitit 2020 joint venture De Mare-Victoria ia nënkontrakton punimet kompanisë Artcon për 6 milionë euro. Artcon zotërohet nga Denist Ymeri, shoferi te Mirel Mertirit", shprehet gazetari.

Tomorri theksoi se kjo dosje hetohet nga SPAK-u prej më shumë se 3 vjetësh dhe nuk ka asnjë veprim.

"Ah po thuhet se vitin e kaluar i sekuestruan dokumentet 'Victoria Investi', por në fakt aty pjesa dërrmuese e parave kanë kaluar nga De Mare. (Victoria mori vetëm një pjesë të vogël për të shmangur ndonjë denoncim të papritur potencial që mund të vinte nga opozita.) Pastaj De Mare i ka shpërndarë paratë atje ku duhet të shkonin. Dhe po të ndjekësh ku i ka çuar De Mare paratë, aty bien shumë lepuj brenda. Përfshirë dhe shkrimtare. Por ça i duhet SPAKU-t të hetojë këto punë. Bjerini Malltezit aty këputeni, se kjo dosja këtej do t*pe të mëdha", shprehet ai./CNA