web counter
LEXO PA REKLAMA!

SHKARKO APP

App Store
Google Play

E fundit!

x

Sali Berisha publikon shkresën e ministrisë: Vërtetimi se e kam shkarkuar Irena Gjokën

18 Nëntor 2023, 12:13, Aktualitet CNA
Sali Berisha publikon shkresën e ministrisë: Vërtetimi se e kam
Sali Berisha publikon shkresën për Irena Gjokën

Pas ditësh të tëra kërkesë për të zbardhur konfliktin e interesit që gjykatësja e SPAK, Irena Gjoka, ka në gjyqin kundër kryedemokratit Sali Berisha, ky i fundit ka publikuar shkresën që Ministria e Drejtësisë i ka dërguar avokatëve të tij në të cilën qartësohet se Irena Maneku (Gjoka) ka marrë masë disiplinore në 1996.

Në një bashkëbisedim me qyetarët, Berisha tha se përmes shkresës është vërtetuar edhe njëherë shkarkimi i saj nga detyra.

“Sot jam para jush siç me keni dëgjuar që ditë të tëra i kam kërkuar gjykatëses Irena Gjoka të bëjë publike ka qenë apo jo e ndëshkuar nga Berisha në 1996? Kjo shkresa që kam këtu që e kam mbajtur vetëm për t’ua treguar ju, është përgjigja që Ministria e Drejtësisë i jep avoketërve dhe pranon se gjykatësja Irena Maneku ka masë disiplinore por nuk e dimë nëse kjo është Gjoka apo ndonjë tjetër? Sa qesharake. Po kjo është gjykatësja, se kur ka shkuar dosja ka qenë e detyruar të deklaroje se s’ka asnjë shkelje interesi asnjë konflikt interesi. Dokumentë të tjera do ti verifikojnë asaj se Maneku është Gjoka dhe Gjoka është Maneku. Ajo i fsheh ministrit të drejtësisë se është i nëjti person dhe se është shkarkuar nga Berisha në 1996” -tha Berisha.

Më herët Berisha ka kërkuar që vetë gjykatësja të provonte pretendimet e tij, por zyrtarisht ende nuk ka patur një reagim nga Irena Gjoka.

Gjyqtarja Irena Gjoka në vitin 2020, gjatë procesit të vettingut ka deklaruar pasurinë e saj por nuk ka deklaruar para gjyqtarëve shkarkimin e saj nga detyra në vitin 1996, nga presidenti i asaj kohe Sali Berisha.

Është ky fakti që tregon qartë se gjyqtarja ka gënjyer organet e drejtësisë dhe nga ana tjetër organet e drejtësisë nuk kanë hetuar siç duhet pastërtinë e figurës së saj.

Opozita që pas arrestimit të Jamarbër Malltezit për korrupsion pasiv dhe akuzave ndaj ish-kryeministrit Sali Berisha ka kërkuar dy herë përjashtimin e gjyqtares Irena Gjoka nga çështja për shkak se ka konflikt interesi, por në të dyja rastet kërkesa është refuzuar dhe Gjoka vijon të gjykojë këtë çështje./CNA

 





Lajmet e fundit nga